لکھنو: بھارت کی ریاست اترپردیش میں ٹرین کی بوگیاں الٹنے سے23 افراد ہلاک اور 50 سے زیادہ زخمی ہوگئے۔
تفصیلات کے مطابق بھارتی ریاست اترپردیش میں کلینگا اتکل ایکسپریس کی 14 بوگیاں ریاست یو پی میں مظفر گڑھ کے علاقے کھٹاؤلی میں الٹ گئیں جس کے نتیجے میں 23 افراد ہلاک ہوگئے۔ یہ ٹرین پوری سے ہریدوار جا رہی تھی۔
کلینگا اتکل ایکسپریس کو حادثہ شام پانچ بجے پیش آیا تھا جبکہ ٹرین کو اپنی منزل پر شب نو بجے پہنچنا تھا۔
اترپردیش پولیس کے اے ڈیجی آنند کمار نے دس ہلاکتوں کی تصدیق کی ہے تاہم ان کا کہنا ہے کہ مرنے والوں کی تعداد میں اضافہ ہو سکتا ہے جبکہ 50 سے زیادہ لوگ زخمی ہیں۔
ریلوے کے وزیر سریش پرابہو نے سماجی رابطے کی ویب سائٹ ٹویٹر پر لکھا کہ وہ صورت حال پر نظر رکھے ہوئےہیں اور انہوں نے سینیئر حکام کو جائے حادثہ پر پہنچنے کا کہا ہے۔
.@NDRFHQ team has also rushed to the site.We are monitoring rescue and relief operations in close coordination
— Suresh Prabhu (@sureshpprabhu) August 19, 2017
بھارتی ریاست کانپور میں ٹرین حادثہ،142 افراد ہلاک
واضح رہے کہ گزشتہ سال نومبر میں بھارت کی ریاست کانپور میں مسافر ٹرین حادثے کے نتیجے میں کم از کم 142 افراد ہلاک جبکہ 150 سے زائد افراد زخمی ہوگئے تھے۔