تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیراعظم کی امریکی نائب صدر سے اہم ملاقات

نیویارک : وزیراعظم شاہدخاقان عباسی اورامریکی نائب صدرمائیک پنس کے درمیان اہم ملاقات ہوئی، جس میں دوطرفہ تعلقات، جنوبی ایشیا سے متعلق امریکی پالیسی اور افغان عمل پر تبادلہ خیال کیا گیا۔

تفصیلات کے مطابق وزیر اعظم شاہد خاقان عباسی اند دنوں اقوام متحدہ کے جنرل اسمبلی اجلاس میں شرکت کے لیے نیویارک میں موجود ہیں‘ جہاں انہوں نے امریکی نائب صدر مائیک پنس سے اہم ملاقات کی ۔

ذرائع کا کہنا ہے کہ دونوں اہم شخصیات نے اس ملاقات میں پاک امریکا دوطرفہ تعلقات،جنوبی ایشیاسےمتعلق امریکی پالیسی اور افغان امن عمل پرتبادلہ خیال کیا۔

اس موقع پر امریکی نائب صدر کا کہنا تھا کہ امریکاخطےمیں قیام امن کے لیے پاکستان سے تعلقات کو اہمیت دیتاہے اور بہتر تعلقات کے لیے نئی راہیں تلاش کررہے ہیں۔

وزیر اعظم شاہد خاقان عباسی کاکہنا تھا کہ پاکستان نے خطے سے دہشت گردی کے خاتمے کے لیے بے پناہ نقصانات برداشت کیے ہیں، دہشت گردی کے خاتمے کے لیے پرعزم ہیں اور دہشت گردی کے خلاف تعاون جاری رکھیں گے۔

ملاقات میں پاکستان کے وزیرخارجہ خواجہ آصف،سیکریٹری خارجہ تہمینہ جنجوعہ، امریکہ میں پاکستان کے سفیر اعزازچوہدری اور ملیحہ لودھی بھی شریک تھیں۔

امریکا کا پاکستان سے ایک مرتبہ پھر’’ ڈومور‘‘ کا مطالبہ*

یاد رہے کہ امریکی صدر ڈونلڈ ٹرمپ کی جانب سے ’ ڈومور‘ کےمطالبے کے بعد پاک امریکا تعلقات ایک بار پھر تاریخ کے مشکل موڑ پر آگئے تھے‘ پاکستان کی جانب سے دہشت گردی کے خلاف جنگ میں دی جانے والی قربانیوں کو نا سراہے جانے اور بھارت کو افغان امن عمل میں اہم کردار دینے کی بات کرنے پر شدید احتجاج کیا گیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -