تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

ٹریفک قوانین کی خلاف ورزی، شہری پر 2 کڑور 80 لاکھ روپے سے زائد کا جرمانہ

دبئی : متحدہ عرب امارات میں ایک شہری پر پولیس نے ٹریفک قوانین کی خلاف ورزی کرنے پر 10 لاکھ درہم کا جرمانہ کر کے ورلڈ ریکارڈ بناڈالا، جو پاکستانی کرنسی میں 2 کڑور 80 لاکھ سے زائد روپے بنتا ہے۔

تفصیلات کے مطابق متحدہ عرب امارات میں ٹریفک قوانین کی خلاف ورزی پر جرمانہ معمول کی بات ہے، ایک ایسا ہی واقعہ خلیجی ریاست راس الخیمہ میں پیش آیا ، جہاں ایک شخص نے ٹریفک قوانین کی اتنی بار خلاف ورزی کی کہ ٹریفک پولیس نے 10 لاکھ درہم کا بھاری جرمانہ عائد کردیا۔

ریاستی کمانڈران چیف میجرجنرل علی عبداللہ کا کہنا ہے کہ ڈرائیور کو سڑکوں پر لگے کیمرے اور نصب راڈار کی مدد سے پکڑا گیا، وہ خطرناک اوورٹیکنگ اور مقررہ رفتار سے زیادہ تیز گاڑی چلانے سمیت متعدد قوانین کی خلاف ورزی میں ملوث پایا گیا، جو اتنے بڑے جرمانے کی وجہ بنا۔


مزید پڑھیں : دبئی، ٹیکسی ڈرائیور کی عیاری خود اُسے مہنگی پڑ گئی


خیال رہے کہ متحدہ عرب امارات میں راس الخیمہ حکام کی جانب سے کسی بھی شہری پر عائد کیا جانے والا تاریخ کا سب سے مہنگا جرمانہ ہے جبکہ دوسرا بڑا جرمانہ ڈھائی لاکھ درہم کا تھا۔

بعد ازاں ٹریفک پولیس نے شہری کو رعایت دیتے ہوئے جرمانے کی رقم آدھی کردی، اب شہری کو 10 لاکھ درہم کے بجائے 6 لاکھ 25 ہزار درہم یعنی ایک کروڑ 70 لاکھ روپے سے زائد جرمانہ ادا کرنا پڑے گا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

Comments

- Advertisement -