دبئی : متحدہ عرب امارات نے مریخ پر انسانی شہر آباد کرنے کا اعلان کردیا ہے۔
متحدہ عرب امارات نے مریخ پر ایک صدی بعد 2117ء میں مریخ پر ایک انسانی شہر آباد کرنے کا اعلان کیا ہے، منصوبے کا اعلان دبئی کے حکمراں شیخ محمد بن راشد المکتوم نے کیا، منصوبہ دبئی کے 100 سالہ قومی پروگرام برائے سائنسی ترقی کا حصہ ہے۔
عرب دنیا سائنسی تحقیق کے مشن پر اپنا پہلا خلائی جہاز بھیجے گی۔
اماراتی انجنیئروں کی ایک ٹیم ،سائنس دانوں اور محققین کے ایک گروپ نے مریخ پر پہلے انسانی شہر کو آباد کرنے کا تصور پیش کیا ہے، اس منصوبے پر اس شعبے میں خصوصی مہارت رکھنے والی بین الاقوامی تنظیموں اور سائنسی اداروں کے ساتھ تعاون کے ذریعے عمل درآمد کیا جائے گا۔
دبئی کے حکمراں شیخ محمد بن راشد المکتوم نے کہا کہ طویل عرصے سے دوسرے سیاروں پر انسانوں کو بھیجنا ایک خواب رہا ہے، اس منصوبے کا مقصد یہ ہے کہ متحدہ عرب امارات اس خواب کو حقیقت کا روپ دینے کے لیے کوششیں تیز کرے گا۔
We aspire in the coming century to develop science, technology and our youth’s passion for knowledge. This project is driven by that vision. pic.twitter.com/4QibJjtiM2
— HH Sheikh Mohammed (@HHShkMohd) February 14, 2017
The "Mars 2117” project will develop an Emirati and international team of scientists to push the human exploration of Mars in years to come. pic.twitter.com/5ujxvyC8As
— HH Sheikh Mohammed (@HHShkMohd) February 14, 2017
شیخ محمد بن راشد المکتوم نے کہا کہ انسانی خواہشات کی کوئی حد نہیں ہے اور جب کوئی اس دور کی سائنسی ایجادات کی جانب دیکھتا ہے تو اس بات پر یقین رکھتا ہے کہ انسانی صلاحیتیں ہی اس خواب کو حقیقت کا روپ دے سکتی ہیں۔
ان کا کہنا تھا کہ یہ منصوبہ ایک ایسا بیج ہے، جو آج ہم بو رہے ہیں اور امید کرتے ہیں کہ آنے والی نسلیں اس کے ثمرات سے فائدہ اٹھائیں گی۔
"Mars 2117” is a seed we are sowing today to reap the fruit of new generations led by a passion for science and advancing human knowledge. pic.twitter.com/IExtnpiO2B
— HH Sheikh Mohammed (@HHShkMohd) February 14, 2017