واشنگٹن : امریکی صدرڈونلڈٹرمپ کا ٹویٹراکاؤنٹ کچھ دیر کے لئے بند کردیا گیا، صدرٹرمپ کا اکاؤنٹ بند کرنے والے اہلکارکا ٹویٹر میں ملازمت کا آخری دن تھا۔
تفصیلات کے مطابق بات بات پرٹوئٹ کرنے والے امریکی صدرڈونلڈٹرمپ کا ٹویٹر اکاؤنٹ پورے گیارہ منٹ تک بند رہا، اس دوران صدرٹرمپ کے اکاؤنٹ پرمعذرت یہ پیج موجود نہیں ہے کا پیغام دکھائی دیتا رہا۔
ٹویٹرانتظامیہ نے اکاؤنٹ بند ہونے کی غلطی تسلیم کرتے ہوئے کہا ڈونلڈٹرمپ کا ٹویٹر اکاؤنٹ ایک ملازم کی غلطی کی وجہ بند ہوگیا تھا، ٹرمپ کا اکاؤنٹ پورے گیارہ منٹ تک بند رہا، جسے اب بحال کردیا گیا ہے۔
Earlier today @realdonaldtrump’s account was inadvertently deactivated due to human error by a Twitter employee. The account was down for 11 minutes, and has since been restored. We are continuing to investigate and are taking steps to prevent this from happening again.
— Twitter Government (@TwitterGov) November 3, 2017
انتظامیہ کا کہنا ہے کہ جس اہلکارنے ٹرمپ کا اکاؤنٹ بند کیا تھا، وہ اس کی ملازمت کا آخری دن تھا اور مزید تفتیش کررہے ہیں۔
Through our investigation we have learned that this was done by a Twitter customer support employee who did this on the employee’s last day. We are conducting a full internal review. https://t.co/mlarOgiaRF
— Twitter Government (@TwitterGov) November 3, 2017
خیال رہے کہ صدرٹرمپ ٹویٹر پر بہت متحرک ہیں اوران کو فالو کرنے والوں کی تعداد چار کروڑسے زائد ہے۔ ٹرمپ نے 2009 میں ٹویٹر اکاؤنٹ بنایا تھا۔
اکاؤنٹ بحالی کے بعد صدرٹرمپ نے پہلا ٹوئٹ ری بپلکن پارٹی کے نئے ٹیکس پلان سے متعلق کیا۔
یاد رہے بھی سماجی رابطے کی معروف سائٹ ٹویٹر کے ترجمان نے ڈونلڈٹرمپ کوخبردار کیا تھا کہ اگرانہوں نے ٹویٹرکے قوانین کو توڑا تو ڈونلڈ ٹرمپ کا اکاؤنٹ بند کر دیا جائے گا۔
مزید پڑھیں : نومنتخب امریکی صدرڈونلڈ ٹرمپ کو ٹویٹرکی وارننگ
انتظامیہ کا کہنا تھا کہ اشتعال انگیزی،ہراساں کرنے اور نفرت انگیز ٹوئٹس کرنے کی کسی کو اجازت نہیں ہے، کسی نے بھی ٹویٹرقوانین کی خلاف ورزی تواس کے خلاف ایکشن لینے کے مجاز ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔