site
stats
حیرت انگیز

عدالت کی ملزم کو قائد اعظم ہاؤس پر پلے کارڈ اُٹھا کرکھڑے رہنے کی انوکھی سزا

کراچی : عدالت نے دلچسپ سزا سناتے ہوئے ملزم کو ہر جمعہ کو قائد اعظم کی رہائش گاہ کے باہر پلے کارڈ اٹھا کر کھڑا رہنے کا حکم دیا جس پر ’’احتیاط کیجیےغفلت، لاپرواہی سےگاڑی چلاناجان لیواہے‘‘ تحریر ہوگا.

تفصیلات کے مطابق پاکستان میں عدلیہ کی تاریخ کی یہ انوکھی سزا جوڈیشل مجسٹریٹ ایسٹ شعیب الہیٰ نے سنائی جس کے تحت ملزم کو ’’احتیاط کیجیےغفلت، لاپرواہی سےگاڑی چلانا جان لیوا ہے‘‘ والا پلے کارڈ اٹھا کر ہر جمعہ کو دو گھنٹے کے لیے قائد اعظم محمد علی جناح کے گھر کے باہر کھڑا ہونا ہوگا.

مجرم قاسم کو یہ سزا ایک سال تک کے لیے سنائی گئی ہے اور ہر جمعہ کو دو گھنٹے کے لیے قائد اعظم کے گھر پر سر راہ پلے کارڈ لے کر کھڑے ہونے کی نگرانی کی ذمہ داری ٹریفک پولیس کےسیکشن آفیسر کو تفویض کی گئی ہے جو خود ملزم سے سزارا پر عملدرآمد کروائیں گے.

یاد رہے دو ملزمان قاسم اور اور محمد اسلام نے2015 میں سابق صدر پرویزمشرف کے پروٹوکول میں شامل ایک اہلکار کو ٹکرماری تھی جس کا مقدمہ مقامی عدالت میں درج کر کے دونوں مکزمان کو حراست میں لے لیا گیا تھا جب کہ بعد ازاں تحقیقات ایک ملزم محمد اسلام کو بری کردیا گیا ہے جب کہ دوسرے مجرم قاسم کو انوکھی سزا سنائی گئی.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

اس ویب سائیٹ پر موجود تمام تحریری مواد کے جملہ حقوق@2017 اے آروائی نیوز کے نام محفوظ ہیں

To Top