تازہ ترین

موت سے پہلے دلہن کے لباس میں فوٹو شوٹ

تائی پے: کینسر سے لڑنے والی تائیوان کی خاتون جو زندگی موت کی جنگ لڑ رہی ہیں انہوں نے اپنی آخری خواہش پوری کر کے لوگوں مزید غمزدہ کردیا۔

تفصیلات کے مطابق کینسر کے مرض میں مبتلا تائیوان کی خاتون نے مرنے سے پہلے عروسی لباس زیب تن کر کے باقاعدہ شوٹ کروایا، اس دوران اُن کے چہرے پر مسرت اور خوشی قابل دید تھی تاہم تصاویر دیکھنے والوں کی آنکھیں بھر آئیں۔

ڈاکٹرز کے مطابق خاتون کیومے چن کینسر کے آخری اسٹیج پر ہیں اور موت دھیرے دھیرے اُن کی طرف بڑھ رہی ہے اس لیے اب اُن کے پاس بہت کم وقت رہ گیا ہے۔

1

کینسر سے لڑنے والی کیومے کی بھی دیگر لڑکیوں کی طرح شادی کی خواہش ہے تاہم اُن کی شادی میں سب سے بڑی رکاوٹ بیماری ہے، اس تما م تر صورتحال کے باوجود کیومے نے قابل دید ہمت کا مظاہرہ کرتے ہوئے اپنی شادی کی خواہش کو  پورا کرنے کے لیے خاتون نے اُن لمحات کو خود سے عکس بند کروانے کا فیصلہ کیا۔

Dulhan-6

کیومے نے خواہش ظاہر کی کہ وہ موت کو گلے لگانے سے پہلے دلہن بن کر فوٹو شوٹ کروانا چاہتی ہیں، خاتون کی خواہش کو دیکھتے ہوئے اہل خانہ نے رضا مندی ظاہر کی جس کے بعد انہوں نے عروسی ملبوسات، کرائے کے مقامات اور ایک گاڑی کچھ وقت کے لیے کرائے پر حاصل کی۔

3

موت کی منتظر خاتون نے آخری خواہش پوری کرنے کے لیے مختلف مقامات پر خوبصورت انداز میں تصاویر بنوائیں جنہیں دیکھنے والے اپنے اشکوں پر قابو نہ کرسکے۔

مزید تصاویر دیکھیں

Comments

- Advertisement -