تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پاکستان میں 70 سال بعد سپر مون کا نظارہ

کوئٹہ : پاکستان میں 70 برس بعد سپر مون کا نظارہ ہوا جس میں چاند معمول سے 14 فیصد زیادہ بڑا روشن دکھائی دیا،سپر مون کے موقع پر بلوچستان کے ساحلی علاقوں کے لیے خطرے کا الرٹ جاری کیا گیا۔


Super Moon sighted in Lahore by arynews

ستر سال بعد دنیا کے کئی ممالک میں سپر مون کا نظارہ کیا گیا جس میں پاکستان بھی شامل ہے، سپر مون کے دوران چاند زمین کے انتہائی قریب آجاتا ہے اور فاصلہ انتہائی کم ہوجاتا ہے۔

http://www.arynews.tv/ud/super-moon-rises-today/

اس سال نظر آنے والا سپر مون عام چاند سے 14 فیصد بڑا اور 30 فیصدزیادہ روشن تھا یعنی ایسا نظارہ گزشتہ 70 برس میں دیکھنے میں نہیں آیا۔


مزید پڑھیں : چاند میں سترسال بعد آنے والی حیرت انگیزتبدیلی


امریکی خلائی تحقیقاتی ادارے ناسا کا کہنا ہے کہ 14 نومبر کو ہونے والا یہ سپرمون نہ صرف 2016 کا سب سے بڑا چاند ہے بلکہ 21 ویں صدی میں ہونے والا اب تک کا سب سے بڑا سپر مون ہے۔

اسی سے متعلق: اسپین اور امریکا میں سپر مون کا نظارہ

غیر معمولی طور پر اتنے خوبصورت چاند کا نظارہ دوبارہ دیکھنے کے لیے 25 نومبر 2034ء تک انتظار کرنا ہوگا۔

بین الاقوامی وقت کے مطابق سپر مون دوپہر 1 بج کر 52 منٹ پر ہوگا یعنی پاکستانی وقت کے مطابق 6 بج کر 52 منٹ پر ہوا۔


Super moon dazzles across Pakistan, by arynews

دوسری جانب وفاقی وزارت سائنس وٹیکنالوجی نے سپرمون الرٹ جاری کیا ہے جس میں بلوچستان کے ساحلی علاقوں قلات، مکران، گوادر، لسبیلہ اور دیگر کے کمشنرز اور ڈپٹی کمشنر کے لیے الرٹ جاری کیا گیا ہے۔

الرٹ کے مطابق سپرمون سے زمین کی کشش ثقل پر اثر پڑے گا، سپرمون کے باعث سمندر کی لہروں میں غیر معمولی اتار چڑھاؤ پیدا ہوگا، لہروں میں اتار چڑھاؤ کی صورتحال 48 سے 72گھنٹے تک جاری رہ سکتی ہے، جس کے باعث ساحلی علاقوں پر رہنے والے عوام کے لیے محتاط رہنے کی ہدایت کی گئی ہے۔

اس ضمن میں میٹرولوجسٹ محمد ریاض نے خبردار کیا ہے کہ سپرمون دیکھنے کے لیے ساحل سمندر پر آنے والے لوگ محتاط رہیں۔

سپرمون دیکھنے کیلئے ساحل سمندر پر آنے والے لوگ محتاط رہیں، چیف میٹرالوجسٹ

 

The effects of Super Moon on the entire planet by arynews

 

Comments

- Advertisement -