تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

فیس بک پر فرینڈ ریکوئسٹ قبول کرنا مہنگا پڑگیا

اگر آپ کو فیس بک پر کسی اجنبی کی فرینڈ ریکوئسٹ موصول ہوتو اسے ایڈ کرنے سےقبل اس کی جانب سے پیش کی گئی تفصیلات ضرور چیک کرلیں ورنہ آپ کو بھی کروڑوں کا نقصان ہوسکتا ہے۔

تفصیلا ت کے مطابق ایک خاتون مارتھا( فرضی نام) کو موصول ہونےو الی فرینڈ ریکوئسٹ قبول کرنے کے سبب پانچ لاکھ اکہتر ہزار آسٹریلین ڈالر ( چار کروڑ اسی لاکھ روپے پاکستانی) کا نقصان اٹھا نا پڑگیا۔

خاتون جن کی عمر 61 سال ہے‘ انہیں ڈاکٹر فرینک ہیری سن‘ نامی آئی ڈی سے ریکوئسٹ آئی جسے انہوں نے قبول کرلیا ‘ اجنبی نے بتایا کہ وہ ہڈیوں کا ڈاکٹر ہے اور اس کا تعلق امریکا سے ہے‘ خاتون نے اس کی جانب سے فراہم کردہ معلومات کو کبھی بھی کراس چیک نہیں کیا اور دونوں کے درمیان دوستی بڑھتی گئی۔

گزشتہ سال نومبر میں ڈاکٹر فرینک نے خاتون سے کہا کہ وہ اپنا کاروبار آسٹریلیا منتقل کررہا ہے اور اس کی خواہش ہے کہ خاتون سے اس کی ملاقات ہو اوران دوستی مزید گہری ہوسکے۔

کچھ دنوں بعد مارتھا کو ڈاکٹر کی کال آتی ہے اور وہ کہتا ہے کہ اسے آسٹریلیا کے ایئر پورٹ پر کسٹم حکام نے پندرہ ملین امریکی ڈالر ہونے کے سبب روک لیا ہے اور ان کا کہنا ہے کہ یہ بہت بڑی رقم ہے جس پر جرمانہ ادا کرنا ہوگا۔ اس نے گزارش کی کہ فی الحال وہ آسٹریلیا میں صرف انہیں ہی جانتا ہے لہذا وہ جرمانہ ادا کردیں ‘ وہ پہلی ملاقات میں یہ رقم ادا کردے گا۔

آپ کی فیس بک پروفائل آپ کی شخصیت کی عکاس*

اسی اثنا میں مارتھا کو ایک خاتون کی کال موصول ہوتی ہے جو اسے یقین دلاتی ہے کہ وہ کسٹم افسر ہے اور یہ کہ ڈاکٹر فرینک ٹھیک کہہ رہا ہے‘ خاتون ان جعل سازوں کی باتوں میں آجاتی ہے اور ابتدائی طور پر تین ہزار ڈالر جرمانہ بھردیتی ہے۔ اس کے بعد یہ سلسلہ رکتا نہیں اور وہ ڈاکٹر بغیر ملاقات کیے خاتون سے چھ مہینے تک مختلف بہانوں سے رقم ٹھگتا رہتا ہے۔

جب خاتون کو احساس ہوتا ہے کہ اس نے کتنی بڑی غلطی کی ہے اس وقت تک وہ اس جعل ساز کو پانچ لاکھ اکہتر ہزار ڈالر دے چکی ہوتی ہے۔ اس نےڈرتے ڈرتے اپنے شوہر کو یہ بات بتائی جس کےبعد پولیس کی جانب سے اس انوکھے فراڈ کے معاملے کی تحقیقات کا آغاز ہوا۔

خاتون کے شوہر کا کہنا ہے کہ وہ ایک نیک اور رحم دل عورت ہے جس کی سادہ لوحی کا جعل سازوں نے فائدہ اٹھا کر اسے بے وقوف بنایا ہے۔ دلچسپ بات یہ ہے کہ جب پولیس نے ڈاکٹر فرینک ہیری سن کی فیس بک پروفائل پکچر کو چیک کیا تو وہ مشہورِ زمانہہ وزن گھٹانے کے ماہر ڈاکٹر گارتھ ڈیوس کی نکلی یعنی اگر خاتون صرف تصویر ہی چیک کرلیتی تو اس بڑے نقصان سے بچ سکتی تھیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -