تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

سعودی عرب کا تفریحی شہر بنانے کا اعلان

ریاض: سعودی عرب نے اپنے دارالحکومت ریاض میں تفریحی شہر بنانے کا اعلان کردیا جس میں سفارت پارک سمیت مشہور امریکی کمپنی تھیم پارک بھی بنائے گی۔

یہ اعلان سعودی عرب کے نائب ولی عہد شہزادہ محمد بن سلمان نے اپنے جاری کردی بیان میں کیا ہے۔

اعلامیے کے مطابق یہ تفریحی شہر دار الحکومت ریاض کے مضافات میں بنایا جائے گا جو 334 مربع کلومیٹر رقبے پر محیط ہوگا اور یہ 2022ء تک مکمل ہوگا۔

saudi-post-2

کئی لاکھ ملازمتیں پیدا ہونے کا امکان

عرب میڈیا کے مطابق یہ تفریحی شہر سعودی حکومت کے ’’ویژن 2030‘‘ منصوبے کا حصہ ہے جس کے تحت ملازمتوں کے نئے مواقع فراہم کیے جائیں گے، امکان ہے کہ ان ملازمتوں کی تعداد لاکھوں کی تعداد میں ہوگی کیوں ایک پورا تفریحی شہر بسایا جائے گا جس میں بہت بڑی مقدار میں افرادی قوت درکار ہوگی۔

عالمی خبر رساں ادارے رائٹرز کے مطابق اس شہر میں تفریحی اور ثقافتی سہولیات شامل ہوں گی علاوہ ازیں یہاں سفاری پارک اور مشہور زمانہ سِکس فلیگ کی جانب سے تھیم پارک بھی بنایا جائے گا۔

saudi-post-1

بی بی سی کے مطابق خیال رہے کہ امریکی تفریحی کمپنی سِکس فلیگ نے گذشتہ سال جون میں اعلان کیا تھا کہ وہ سعودی حکومت سے ملک میں ویژن 2030 کے سلسلے میں تھیم پارکس قائم کرنے کے بارے میں گفتگو کر رہی ہے۔

بعد ازاں کمپنی کے چیف ایگزیکیٹو جم ریڈ اینڈرسن نے کہا کہ ان کی کمپنی سعودی عرب میں 30 کروڑ سے 50 کروڑ کی لاگت کے تین پارک بنائے گی۔

سعودی ریاست کے سخت گیر ہونے کا تاثر کم ہوگا

عرب میڈیا کے مطابق اس تفریحی شہر کو بنانے کا مقصد جہاں سعودیہ عرب کے ذرائع آمدنی میں اضافہ کرنا ہے وہیں اس اقدام سے سعودی کے سخت گیر ریاست ہونے کے تاثر کو کم کرنے میں مدد ملے گی ۔

Comments

- Advertisement -