واشنگٹن: امریکا میں ایک شاپنگ مال کی سیکیورٹی کے فرائض پر معمور ایک روبوٹ نے خود بخود پانی میں گر کر اپنی مشینی زندگی کا خاتمہ کرلیا۔
نائٹ اسکوپ نامی یہ سیکیورٹی روبوٹ واشنگٹن کے ایک شاپنگ مال میں پیٹرولنگ کے فرائض انجام دیتا تھا جب ایک دن اچانک وہ تالاب کے قریب پانی میں گر پڑا اور ٹوٹ گیا۔
اسے بنانے والے ماہرین کا کہنا ہے کہ یہ روبوٹ اپنے ارد گرد کے ماحول کو سمجھنے کی صلاحیت رکھتا تھا جس کے لیے وہ اپنے اندر نصب ویڈیو کیمروں، سینسرز اور مائیکرو فونز سے مدد لیتا تھا۔
ان کے مطابق اپنے اندر نصب شدہ نظام کے تحت جب بھی یہ روبوٹ کسی مجرمانہ فعل یا مجرم کو قریب پاتا تو شور کرنے کی صلاحیت رکھتا تھا جس سے آس پاس موجود لوگ خبردار ہوجاتے۔
ماہرین کا کہنا ہے کہ وہ اپنے ارد گرد کے ماحول کو محسوس کرتے ہوئے بغیر کسی نقصان کے پٹرولنگ کے قابل تو تھا، تاہم انہوں نے اعتراف کیا کہ روبوٹ کے نظام میں پانی کسی خطرے کے طور پر شامل نہیں کیا گیا۔
لہٰذا جب وہ روبوٹ پانی کے قریب آیا تو اسے کسی خطرے کا اشارہ نہیں ملا اور وہ حسب معمول چلتا ہوا تالاب کے قریب پہنچا اور یوں پانی میں گر کر ٹوٹ گیا۔
روبوٹ کی اس ’خودکشی‘ پر ایک ٹوئٹر صارف نے دلچسپ تبصرہ کرتے ہوئے لکھا، ’ہم سے وعدہ کیا گیا تھا کہ ہمیں اڑنے والی گاڑیاں میسر ہوں گی۔ لیکن اس کی جگہ ہمیں خودکش روبوٹ مل گئے‘۔
Our D.C. office building got a security robot. It drowned itself.
We were promised flying cars, instead we got suicidal robots. pic.twitter.com/rGLTAWZMjn
— Bilal Farooqui (@bilalfarooqui) July 17, 2017
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔