تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

براہ راست نشریات کے دوران رپورٹر کی جمائیاں

امریکی ریاست کنساس میں ایک مقامی ٹی وی چینل کی خاتون رپورٹر کی براہ راست نشریات کے دوران جمائیوں نے سب کو ہنسنے پر مجبور کردیا۔

یہ واقعہ اس وقت پیش آیا جب مذکورہ ٹی وی چینل موسم کی خبریں نشر کر رہا تھا اور اسٹوڈیو میں موجود اینکر موسم کا احوال سنا رہا تھا۔

لیکن اسی دوران خبروں کی نشریات کی ذمہ دار پروڈکشن ٹیم نے غلطی سے اس رپورٹر کو آن ایئر لے لیا جو باہر سے موسم کی صورتحال بتانے کے لیے منتظر کھڑی تھی۔

یہ کوئی بڑی غلطی نہیں تھی اور ایسی غلطیاں عموماً پیش آتی رہتی ہیں، لیکن صورتحال اس وقت نہایت دلچسپ ہوگئی جب عین اسی موقع پر خاتون رپورٹر نے جمائی لی جو ٹی وی پر براہ راست نشر ہوگئی۔

اسٹوڈیو میں موجود اینکر نے ہنستے ہوئے بات کو سنبھالنے کی کوشش کی کہ غالباً ہماری رپورٹر بہت تھکی ہوئی ہیں اسی لیے وہ جمائیاں لے رہی ہیں۔

بعد ازاں اس رپورٹر نے اپنے سماجی رابطوں کی ویب سائٹ پر اس ویڈیو کو خود ہی پوسٹ کیا جس سے ظاہر ہوتا ہے کہ اس غلطی نے انہیں بہت لطف اندوز کیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

- Advertisement -