site
stats
اہم ترین

حیدر آباد: رینجرز کی بروقت کارروائی، خودکش بمبار ہلاک

حیدرآباد: حیدر آباد بڑی تباہی سے بچ گیا۔ لطیف آباد امام بارگاہ میں گھسنے کی کوشش کرنے والا خودکش بمبار مارا گیا۔ بم ڈسپوزل اسکواڈ نے خودکش جیکٹ ناکارہ بنا دی۔

تفصیلات کے مطابق قانون نافذ کرنے والے اداروں نے بروقت کارروائی کرتے ہوئے حیدرآباد کو بڑی تباہی سے بچا لیا۔ لطیف آباد میں دہشت گردی کی کوشش ناکام بنادی گئی۔

ترجمان رینجرز کے مطابق رینجرز کی بروقت کارروائی میں خودکش بمبار مارا گیا۔ ترجمان کا کہنا ہے کہ خودکش بمبار نے امام بارگاہ میں داخل ہونے کی کوشش کی۔ نماز جمعہ کے دوران خودکش بمبار نے رینجرز کی موبائل پر دستی بم سے حملہ بھی کیا۔

ہلاک بمبار سے خود کش جیکٹ، اسلحہ اور ایمونیشن بھی برآمد ہوا۔

ترجمان کے مطابق ہلاک دہشت گرد کا ایک اور ساتھی تھا جو فرار ہونے میں کامیاب رہا تاہم اس کی تلاش جاری ہے۔

Print Friendly

Comments

comments

اس ویب سائیٹ پر موجود تمام تحریری مواد کے جملہ [email protected] اے آروائی نیوز کے نام محفوظ ہیں

To Top