لندن: ایک برطانوی شہری نے ملکہ برطانیہ کے خلاف پولیس کو شکایت درج کروا دی کہ انہوں نے کار میں سیٹ بیلٹ نہ پہن کر ٹریفک قوانین کی خلاف ورزی کی ہے۔
ویسٹ یارک شائر کی پولیس کے مطابق برطانیہ میں نئی پارلیمنٹ کے آغاز کے پہلے روز جب ملکہ الزبتھ پارلیمنٹ سے خطاب کے لیے جارہی تھیں تب مذکورہ شہری نے انہیں بغیر سیٹ بیلٹ کے دیکھا۔
شہری نے پولیس کے ایمرجنسی نمبر پر کال کر کے شکایت درج کروائی تاہم پولیس نے کوئی کارروائی کرنے سے گریز کیا۔
مزید پڑھیں: پولیس کو موصول ہونے والی بے مقصد لیکن مزیدار کالز
برطانوی قوانین کے مطابق سفر کے دوران کار میں سیٹ بیلٹ پہننا لازم ہے اور خلاف ورزی کرنے والوں پر جرمانہ عائد کیا جاتا ہے، تاہم ملکہ کو کسی بھی فوجداری یا دیوانی مقدمے کی صورت میں استثنیٰ حاصل ہے۔
پولیس نے مذکورہ کال کو وقت ضائع کرنے والی کال قرار دیتے ہوئے شہریوں کو آئندہ اس قسم کی کالز سے گریز کی ہدایت کی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
