پی ٹی آئی کے ٹیکسلہ سے تعلق رکھنے والے رکن پنجاب اسمبلی صدیق خان حرکت قلب بند ہونے کے باعث انتقال کرگئے۔
تفصیلات کے مطابق پاکستان تحریک انصاف کے ٹیکسلا سے تعلق رکھنے والے رکن اسمبلی
صدیق خان کی طبعیت خراب ہونے کے باعث گزشتہ رات ہسپتال میں داخل کروایا گیاتھا،جہاں وہ دورانِ علاج خالقِ حقیقی سے
جا ملے۔
ہسپتال انتظامیہ نے بتایا کہ رکنِ پنجاب اسمبلی صدیق خان کا انتقال حرکتِ قلب بند ہونے کی
وجہ سے ہوا،ابتدائی کارروائی کے بعد میت کو ورثاء کے حوالے کردیا گیا ہے۔
رکن پنجاب اسمبلی کے انتقال کی خبر ملتے ہی علاقہ مکینوں اور تحریک انصاف کے رہنماوں کی بڑی تعداد ہسپتال پہنچ گئی جہاں سے میت کو گھر واقع نوشہری کے لیے روانہ کردیا گیا۔
واضح رہے رکن صوبائی اسمبلی صدیق خان کے بھائی غلام سرور خان رکنِ قومی اسمبلی ہیں،مرحوم کی نماز جنازہ پنڈی کے
علاقے نوشہری میں ساڑھے پانچ بجے ادا کی جائے گی۔