واشنگٹن: امریکی دفاعی ادارے پینٹاگون کا کہنا ہے کہ پاکستان اور افغانستان میں داعش کا کوئی بڑا خطرہ نہیں۔ پینٹاگون کا کہنا تھا کہ افغانستان میں امریکی انسداد دہشت گردی آپریشن جاری رہیں گے۔
تفصیلات کے مطابق واشنگٹن میں پریس بریفنگ کے دوران ترجمان پینٹا گون کیپٹن جیف ڈیوس نے بتایا کہ افغانستان اور پاکستان میں داعش کوئی بڑا خطرہ نہیں ہے۔ القاعدہ افغانستان میں اب بھی سرگرم ہے۔
ان کا کہنا تھا کہ گزشتہ سال طالبان نے 8 مرتبہ کابل پر قبضہ کرنے کی کوشش کی مگر ناکام ہوئے۔ افغانستان میں امریکا کے انسداد دہشت گردی آپریشن جاری رہیں گے۔
یاد رہے اس سے قبل پیرس میں ہونے والے دہشت گردانہ حملوں کے بعد پینٹاگون کا کہنا تھا کہ پاکستانی عوام دہشت گردی کا ایسے ہی نشانہ بن رہی ہے، جیسا پیرس میں لوگوں کو بنایا گیا۔
ترجمان کی جانب سے کہا گیا تھا کہ پاکستان میں آزاد گھومنے والے دہشت گردوں پر تشویش ہے۔
پینٹاگون کے مطابق پاکستان میں جاری دہشت گردی پاکستان اور امریکا کے لیے مشترکہ چیلنج ہے اور اس سے نمٹنے کے لیے دونوں ممالک میں ہر سطح کا تعاون کیا جارہا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
