site
stats
ضرور پڑھیں

فطرت کا معجزہ: وسیع و عریض رقبے پر مشتمل دنیا کا انوکھا ترین درخت

آپ نے مختلف تصاویر میں دنیا کے انوکھے اور منفرد ترین درختوں کو ضرور دیکھا ہوگا جو اپنی ہیئت و ساخت کی بنا پر دیگر درختوں سے بالکل الگ معلوم ہوتے ہیں۔

ایسا ہی ایک درخت پانڈو نام کا بھی ہے جسے دنیا کا منفرد ترین درخت ہونے کا اعزاز حاصل ہے۔

اس تصویر کو دیکھ کر شاید آپ کو خیال آئے کہ یہ تو عام سے درخت ہیں، ان میں انفرادیت کیا ہے؟

لیکن یہ جان کر آپ کی حیرت کی انتہا نہ رہے گی کہ یہ کسی درخت کا کوئی جنگل نہیں، بلکہ تصویر میں موجود تمام ’درخت‘ دراصل ایک ہی درخت ہے جو وسیع و عریض رقبے پر پھیلا ہوا ہے۔

مزید پڑھیں: کیا درخت بھی باتیں کرتے ہیں؟

امریکی ریاست اوٹاہ کے ایک جنگل میں پایا جانے والا یہ درخت بذات خود ایک جنگل معلوم ہوتا ہے جو 106 ایکڑ کے رقبے پر محیط ہے۔

قلمی کالونی کے نام سے پکارا جانے والا یہ درخت نر ہے اور اس کا ہر حصہ علیحدہ جینیاتی شناخت رکھتا ہے۔

اس درخت کا ہر حصہ زیر زمین جڑوں کے ذریعے آپس میں منسلک ہے اور جڑوں کا یہ نظام 80 ہزار سال پرانا ہے جبکہ پورے درخت کا وزن 60 لاکھ کلو گرام ہے۔

ان منفرد اور اچھوتی خصوصیات کے باعث اسے زمین کے سب سے بڑے، وزنی اور طویل العمر ترین زندہ جاندار ہونے کا درجہ حاصل ہے۔

اس درخت کی انفرادیت اور خوبصورتی دیکھتے ہوئے اسے فطرت کا معجزہ کہا جائے تو غلط نہ ہوگا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

اس ویب سائیٹ پر موجود تمام تحریری مواد کے جملہ حقوق@2017 اے آروائی نیوز کے نام محفوظ ہیں

To Top