site
stats
کھیل

ٹینس فیڈریشن کی جانب سے تربیتی کیمپ کا اعلان

اسلام آباد: پاکستان ٹینس فیڈریشن (پی ٹی ایف) کی جانب سے جونیئر کھلاڑیوں کی تربیت کے لیے 3 کیٹگریز میں تربیتی کیمپ کا انعقاد کیا جائے گا تاکہ باصلاحیت افراد کو آگے لایا جاسکے۔

پی ٹی ایف کے نئے سیکریٹری ثنا اللہ امان نے جمعرات کو سرکاری خبر رساں ادارے کو بتایا کہ ہمارے پاس کافی باصلاحیت نوجوان موجود ہیں، ہمیں کیا درکار ہے؟ اس کے لیے ہم نوجوانوں کو مواقع فراہم کریں گے۔

انہوں نے آگاہ کیا کہ تربیتی کیمپ کو عمر کے تناسب سے 3 مختلف کیٹگریز میں تقسیم کیا گیا ہے، کیمپ میں نوجوان کھلاڑیوں کی کارکردگی کو دیکھتے ہوئے انہیں قومی ٹیم کے لیے شارٹ لسٹ کیا جائےگا۔

انہوں نے امید ظاہر کی کہ تربیتی کی وجہ سے کھلاڑیوں کو آگے بڑھنے میں مدد ملے گی ساتھ ہی ملک میں ٹینس کا کھیل بھی فروغ پائے گا۔

ستمبر میں منعقد ہونے والے ڈیوس کپ میں پاکستان اور تھائی لینڈ کے درمیان میچ سے متعلق انہوں نے امید ظاہر کی کہ پاکستان فتح یاب ہوگا اور کہا کہ تھائی لینڈ کے خلاف اعصام الحق، عقیل اور دیگر باصلاحیت کھلاڑیوں کو میدان میں لے جائیں گے۔

انہوں نے مزید کہا کہ ٹینس کے عالمی کھلاڑیوں کو پاکستان لانے کے لیے انٹرنیشنل ٹینس فیڈریشن سے بات کریں گے۔

Print Friendly, PDF & Email

Comments

comments

اس ویب سائیٹ پر موجود تمام تحریری مواد کے جملہ حقوق@2017 اے آروائی نیوز کے نام محفوظ ہیں

To Top