ڈومینیکا: پاکستان اور ویسٹ انڈیز کے درمیان کھیلے جانے والے تیسرے میچ میں شاہینوں کی عمدہ باؤلنگ کی بدولت ویسٹ انڈین ٹیم 247 کے مجموعی اسکور پر آؤٹ ہوگئی۔
تفصیلات کے مطابق پاکستانی ٹیم ویسٹ انڈیز کےخلاف تیسرے ٹیسٹ میچ کی پہلی اننگز میں 376 رنزبنا کرآؤٹ ہوئی تھی، جس کے بعد ویسٹ انڈیز کی ٹیم نے بیٹنگ شروع کی، پاکستان کی جانب سے محمد عباس نے 5 اور یاسر شاہ نے تین کھلاڑیوں کو پویلین کی راہ دکھائی۔
پاکستان کو پہلی اننگز میں 129 رنز کی برتری حاصل ہوگئی، پاکستان نے ویسٹ انڈیز کےخلاف میچ کے دوسرے روز169 رنز2 کھلاڑی آؤٹ سے کھیل کا دوبارہ آغاز کیا،تو اظہر علی نے سنچری مکمل کی ،وہ 127رنز بنا کرچیز کی گیند پربولڈ ہوئے۔
اسد شفیق کے 17 رنز بنا کر آؤٹ ہونے کے بعد پاکستان کی وکٹیں تیزی سے گریں اور صرف 48 رنز پر چار پاکستانی بلے باز پویلین لوٹ گئے۔
مصباح الحق 311 رنز پر ریورس سویپ کرنے کی کوشش میں وکٹ کیپر ڈاؤرچ کو کیچ تھما بیٹھے۔انہوں نے 59 رنز بنائے تھے۔
تیسراٹیسٹ: پاکستان نے 2وکٹوں پر169رنزبنالیے
مصباح الحق کےبعد کے اسکور پر محمد عامر ہولڈر کی گیند پر بولڈ ہوئے، پھر اگلی ہی گیند پر یاسر شاہ سلپ میں کیچ آؤٹ ہو گئے۔
خیال رہےکہ میزبان ٹیم کی جانب سے ریسٹن چیز نے چار، ہولڈر نے تین، بشو نے دو، جبکہ جوزف نے ایک کھلاڑی کو آؤٹ کیا۔
واضح رہےکہ ویسٹ انڈیز نےکھیل کےاختتام تک بغیر کسی نقصان کے 14 رنز بنا لیے۔کائرن پاول اور کریگ بریتھویٹ نو اور پانچ رنز بنا کرناقابلِ شکست رہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
