واشنگٹن: خلا میں سب سے زیادہ وقت گزارنے والی امریکی خلاباز پیگی وٹسن زمین پر لوٹ آئی ہیں‘ وہ دنیا کی معمر ترین خاتون خلاباز کا اعزاز بھی رکھتی ہیں۔
تفصیلات کے مطابق 57 سالہ پیگی نے بین الاقوامی خلائی مرکز میں گزشتہ سال نومبر میں مشن کا آغاز کیا اور اس دوران انہوں نے خلا میں196.7 ملین کلومیٹر کی مسافت طے کی اور زمین کے مدار کے 4،623 چکر لگائے۔
Touchdown! @AstroPeggy, @Astro2Fish & Russian crewmate land on Earth after 136 days in space; 288 days for Peggy: https://t.co/mzKW5uDsTi pic.twitter.com/SiylBnuJLG
— NASA (@NASA) September 3, 2017
پیگی بنیادی طور پر ایک بایو کیمسٹ ہیں ‘ ان کے خلائی شٹل نے وسطی قازقستان میں لینڈ کیا ان کے ہمراہ امریکی خلا باز جیک فشر اور روسی کاسموناٹ فیوڈور یورچیکن بھی تھے۔ وہ اپنے حالیہ مشن سے 288 دن یعنی دس ماہ بعد واپس آئی ہیں اور انہوں نے تین خلائی مشنز میں مجموعی طور پر 665 دن گزارے ہیں ۔
After the 9:21pm ET landing, @AstroPeggy has a total of 665 days in space, the U.S. record and places 8th on all-time space endurance list pic.twitter.com/grVIRo3SmX
— NASA (@NASA) September 3, 2017
ناسا کے مطابق ان کے اس ریکارڈ سے خلا میں طویل ترین عرصے تک قیام کرنے کے روسی خلابازوں کے ریکارڈ کو لگ بھگ ختم کردیا ہے سوائے ان کے ہم سفر روسی خلاباز فیوڈور کے جنہوں نے مجموعی طور پر خلا میں 673 دن گزارے ہیں‘ پیگی اب خلا میں سب سے زیادہ عرصہ گزارنے والی خاتون اور سب سے معمر خلا باز ہیں۔
بین الاقوامی خلائی مرکز کب تک کارآمد رہے گا؟*
بین الاقوامی خلائی اسٹیشن یا انٹرنیشنل اسپیس اسٹیشن سطحِ زمین سے 400 کلومیٹر کی بلندی پر 28 ہزار کلومیٹر فی گھنٹہ کی رفتار سے زمین کے مدار میں چکر لگا رہا ہے۔ یہ خلائی اسٹیشن ہر 90 منٹ میں زمین کے گرد اپنا ایک چکر مکمل کر لیتا ہے۔
— NASA (@NASA) September 2, 2017
یورپی خلائی ایجنسی‘ روس‘ کینیڈا‘ جاپان اور امریکاکے اشتراک سے قائم بین الاقوامی خلائی اسٹیشن کا حجم فٹ بال کے گراؤنڈ جتنا ہوچکا ہے اور اور یہ 2024 تک کارآمد رہے گا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
