تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

موٹاپا آپ کی زندگی کے آٹھ سال گھٹا دیتا ہے

برطانوی طبی جریدے لانسٹ میں شائع ہونے والی تحقیقاتی رپورٹ کے مطابق بہت زیادہ موٹاپا انسان کی زندگی کو آٹھ سال تک کم کردیتا ہے اور زیادہ وزن والے افراد کئی دہائیوں پر محیط بیماریوں کا شکار بھی بن سکتے ہیں۔

رپورٹ کے تجزیے سے معلوم ہوا ہے کہ نو عمری میں ہونے والا موٹاپا انسانی زندگی کی صحت اور درازی عمر کے لیے زیادہ نقصان دہ ہے کیوں کہ موٹاپا کئی پچیدہ بیماریوں کی جڑ ہے۔

FAT POST 1

اس حوالے سے کینیڈا کی میک گل یونیورسٹی میں تحقیق پر کام کرنے ولی ٹیم نے انکشاف کیا ہے موٹے افراد جلد ہی ذیابیطس اور دل کے امراض میں مبتلا ہو جاتے ہیں جس کی بنیادی وجہ ان کے جسم میں انسولین کا زیادہ بننا ہو تا ہے جسے طبی اصطلاح میں "ہائپر انسولینیمیا” کہا جاتا ہے،تحقیق کے نتائج بتاتے ہیں کہ امراض قلب اور ٹائپ ٹو ذیابیطس معذوری اور موت کا باعث بنتے ہیں۔

FAT POST 4

ماہرین کا کہنا ہے کہ بدقسمتی سے اکثر لوگ موٹاپے کے نتائج سے ’بے خبر‘ ہوتے ہیں یہ لوگ موٹاپے کو بے ضررگردانتے ہیں جس کے خوف ناک اثرات سامنے پر ایسے افراد سخت مایوسی اور ڈیپریشن کا شکار ہو جاتے ہیں۔

FAT POST 3

 

لانسٹ ڈائبیٹس اینڈ اینڈوکرآنولوجی میں شائع رپورٹ میں ایک کمپوٹر ماڈل کے ذریعے صحت کے لیے خطرات جیسے موٹاپے،ذیابیطس اور امراض قلب وغیرہ کو زیر مشاہدہ رکھا گیا اور مختلف عمر میں وزن کے چارٹ سے اس کا موازنہ کیا گیا جس کی مدد سے درازی عمر پر وزن کے اثرات کا حساب لگایا گیا۔

مشاہدے اور اعداوشمار سے پتہ چلا کہ جتنا انسان کی عمر کم اور وزن زیادہ ہوگا اتنا ان کے صحت پر اس کا برا اثر ہوگا چونکہ اوائل زندگی میں ہی موٹاپے کی وجہ سے پیدا ہونے والی بیماریوں جیسے امراض قلب اور ذیابیطس کے حملے کا خطرہ زیادہ ہوتا ہے اور انسانی اوسط عمر میں خاطر خواہ کمی ہو جاتی ہے۔

FAT POST 2

تحقیق کے دوران معلوم ہوا کہ 20 سے 39 سال کے درمیان صحت مند جسم رکھنے والے افراد کے مقابلے میں اسی عمر کے بہت زیادہ موٹے مردوں کی عمر 8.4 سال کم ہوئی جبکہ موٹے عورتوں کی عمر میں 6.1 سال کمی واقع ہوئی۔

مردوں نے زندگی کے 18.8 سال خراب صحت کے ساتھ گزارے جبکہ موٹے عورتوں نے 19.1 سال بیمار ہو کر گزارے۔

اسی طرح 50 اور 60 کی دہائی میں موٹاپے کی وجہ سے مردوں کی زندگی 3.7 سال جبکہ عورتوں کی زندگی 5.3 سال کم ہوئی۔

ستر کی دہائی میں موٹے مرد اور خواتین کی زندگیوں میں ایک ایک سال کمی واقع ہوئی جبکہ انھیں پھر بھی ایک سال بیماری میں گزارنے پڑا۔

پروفیسر سٹیون گرور کہتے ہیں کہ’ہمارا کمپیوٹر ماڈل یہ دکھاتا ہے کہ موٹاپے کی وجہ سے دل کا عارضہ، سٹروک اور ذیابیطس ہونے کے خطرات بڑھ جاتے ہیں جس کی وجہ درازی عمر کم ہو جاتی ہے۔

Comments

- Advertisement -