تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیراعظم سے اختلافات، چوہدری نثار کے مستعفی ہونے کا امکان

اسلام آباد: وزیر داخلہ چوہدری نثار اور وزیراعظم کے درمیان اختلافات شدت اختیار کرگئے، چوہدری نثار کی جانب سے وزارت سے مستعفی ہونے کا امکان ہے۔

تفصیلات کے مطابق پاناما کیس کے معاملے پر وزیر داخلہ چوہدری نثار کے ن لیگ کی اعلیٰ قیادت سے اختلافات بڑھ گئے،اطلاعات ہیں کہ وہ جلد وزیر داخلہ کے عہدے دے مستعفی ہونے کا اعلان کرسکتے ہیں۔

خیال رہے کہ چوہدری نثار اتوار کو شام 5 بجے پریس کانفرنس کرنے کا پہلے ہی اعلان کرچکے ہیں، وہ پاناما کیس سے متعلق ہونے والے ن لیگ کے اجلاسوں سے مسلسل غیر حاضر ہیں اور میڈیا پر بھی پاناما کیس سے متعلق کافی دنوں سے نثار کے بیانات سامنے نہیں آرہے۔

اے آر وائی نیوز اسلام آباد کے بیورو چیف صابر شاکر نے کہا کہ نثار کے وزیراعظم سے اختلافات اس وقت شروع ہوئے جب ن لیگ کی قیادت نے اداروں سے ٹکراؤ کی پالیسی اختیار کی، نثار کچھ دنوں سے پارٹی کی سیاسی سرگرمیوں میں حصہ نہیں لے رہے تھے۔

صابر شاکر کے مطابق چوہدری نثار کو منانے کی کوششیں کی جاتی رہیں، آج بھی پنجاب ہاؤس انہیں منانے کے لیے ن لیگی رہنما گئے تھے لیکن انہیں منانے کی کوششیں کامیاب نہ ہوئیں۔

انہوں نے مزید کہا کہ چوہدری نثار نے اتوار کو پریس کانفرنس کرنے کا اعلان کر رکھا ہے جس میں وہ اپنے آئندہ کے لائحہ عمل کا اعلان کریں گے جس میں وہ وزارت سے تو مستعفی ہوجائیں گے تاہم ن لیگ کی رکنیت سے علیحدہ نہیں ہوں گے۔

واضح رہے کہ قبل ازیں یہ بھی اطلاعات سامنے آئی تھیں کہ وزیراعظم نواز شریف کی نااہلی کی صورت میں خواجہ آصف، احسن اقبال، ایاز صادق اور شاہد خاقان عباسی نئے وزیراعظم بننے کے لیے مضبوط امیدوار ہیں لیکن ان امیدواروں میں نثار کا نام شامل نہیں۔

یہ پڑھیں: کون ہوگا نیا وزیراعظم ؟ ن لیگ میں تلاش شروع

Comments

- Advertisement -