ممبئی: دنیا کی سب سے موٹی خاتون کو مصر سے علاج کے لیے کارگو ہوائی جہاز میں بھارت لایا گیا جبکہ انہیں ایمبولینس سے اسپتال بھی کرین کے ذریعے منتقل کیاگیا، وہ پچیس برس بعد اپنے گھر سے باہر آئی ہے۔
تفصیلات کے مطابق موٹاپے کی خطرناک بیماری میں مبتلا 36 سالہ پانچ سوکلو گرام وزنی دنیا کی سب سے موٹی مصری خاتون ایمان عبدالعاطی کو علاج کی غرض سے بھارت کے شہر ممبئی لایا گیا۔
مصری خاتون ضرورت سے زیادہ وزنی ہونے کے باعث چلنے پھرنے سے قاصر ہیں اور وہ گزشتہ 25 برس سے اپنے گھر سے باہر بھی نہیں نکل سکیں۔
مصر میں ایمان کی بیماری کا علاج نہیں ہوسکا، جس کے بعد انہیں انتہائی موٹاپے کے باعث علاج کے لئے کارگو طیارے کے ذریعے مصر سے بھارت لے جایا گیا۔
صرف یہ ہی نہیں ایمان العاتی کو ایمبولینس سے اسپتال منتقل کرنے کیلئے ایک خصوصی کرین کا استعمال کیا گیا۔ ممبئی کے ہسپتال میں لے جانے کے بھی ہسپتال کا ایک ہنگامی راستہ بنایا گیا تھا۔
ایمان کے ساتھ ان کےخاندان کے افراد بھی ہیں۔ ایمان احمد کو امید ہے کہ علاج کے بعد وہ بھی عام لوگوں کی طرح چلنے پھرنے کے قابل ہوجائیں گی۔