عالمی شہرت یافتہ باکسر محمد علی گذشتہ روز 74 برس کی عمر میں انتقال کرگئے، یہ تو وہ ہر وقت کیمرے کی چکا چوند کی زد میں رہا کرتے تھے لیکن ان کی کچھ ایسی نایاب تصاویر بھی ہیں جنہیں دیکھ کرآپ حیران رہ جائیں گے۔
محمد علی جنوری 1942 میں پیدا ہوئے،ان کا پیدائشی نام کیشیئس مارسیلس کلے جونیئر تھا، انھوں نے 1964 میں اسلام قبول کیا، جس کے بعد ان کا نام محمد علی رکھا گیا۔
عظیم باکسرمحمد علی کے 10 مشہوراقوال
محمد علی کلے حج کے موقع پر
وہ یادگار لمحہ جب محمد علی کا اعلانِ وحدانیت اخبارات کی زینت بنا
لیجنڈ باکسر حجرِ اسود کو بوسہ دیتے ہوئے
محمد علی کلے نماز ادا کرتے ہوئے
امریکہ کی ریاست کینٹکی سے تعلق رکھنے والے لیجنڈ باکسر نے 25 فروری سنہ 1954 کو ہونے والے اہم مقابلے میں ’سونی لسٹن‘ نامی طاقت ور حریف کو شکست دینے کے بعد اگلے ہی دن انھوں نے اعلان کیا کہ وہ اسلام قبول کر رہے ہیں اور اپنا نام بدل کر محمد علی رکھ رہے ہیں۔
محمد علی کلے اسلامی جمہوریہ ایران کے دورے پر
ایران کے مذہبی عالم آیت اللہ سید مرتضیٰ کے ساتھ خوشگوار انداز میں
ابھوں نے 12سال کی عمر میں باکسنگ شروع کی اور تین مرتبہ باکسنگ کے عالمی چیمپیئن رہے، پہلی مرتبہ 1964 میں باکسنگ کے عالمی چیمپیئن بنے ، محمد علی 1974 اور 1978میں بھی چیمپئن رہے۔
کلے اور ڈاکٹر طاہرالقادری – پاکستان آمد کے موقع پر
لاہور میں نامور پاکستانی اداکار ’سلطان راہی‘ کے ساتھ ایک انتہائی دلچسپ پوز میں لی گئی تصویر
لیجنڈ باکسر محمد علی نے 1960 میں روم اولمپکس میں طلائی تمغہ جیتا،ان کے نام کے ساتھ ’گریٹیسٹ‘ یعنی عظیم ترین لگایا جاتا ہے اور واقعی وہ اس کے حق دار بھی تھے،انھوں نے61 مقابلوں میں 56 مقابلے جیتے۔
محمد علی نامور بھارتی اداکار امیتابھ بچن کے ہمراہ
محمد علی کو پہلی انٹرنیشنل فتح 1960 میں ملی، جس کے بعد وہ امریکا کے ہیرو کہلانے لگے۔
وہ یادگار لمحہ جب لیجنڈ باکسر نے خودکشی پر آمادہ ایک شخص کو سمجھا کر خودکشی سے بچالیا
لارڈز کےمیدان میں کرکٹ کا ایک میچ دیکھتے ہوئے
باکسنگ کی دنیا کے ایک اوربڑے نام مائیک ٹائیسن کے ہمراہ
سابق ہیوی ویٹ چیمپیئن کے ترجمان کا کہنا تھا کہ محمد علی کوسانس کی تکلیف کے باعث اسپتال منتقل کیا گیا تھا وہ امریکی شہرفینکس کےاسپتال میں زیر علاج تھے۔ ان کے اہل خانہ کے مطابق ان کی تدفین کینٹکی میں واقع ان کے آبائی شہرلوئی ویلے میں ہوگی۔
امریکی ریاست ڈلاس میں واقع اومنی ہوٹل کی جانب سےلیجنڈری محمد علی کو خراجِ تحسین