پیرس : فرانسیسی دارالحکومت پیرس کی میئرنے امریکی صدر ڈونلڈ ٹرمپ کےبیان کا جواب ڈزنی کے کرداروں کی مدد سے دیا۔
تفصیلات کےمطابق این ہدالگو نےسماجی رابطے کی ویب سائٹ ٹویٹرپراپنے پیغام میں کہاکہ ’شہر کا متحرک طرز اور مختلف لوگوں کے لیے کھلے دل کے جذبے کو مناتے ہوئے۔‘
À Donald et son ami Jim, depuis @LaTourEiffel nous célébrons l'attractivité de #Paris avec Mickey et Minnie. pic.twitter.com/unuRB1traY
— Anne Hidalgo (@Anne_Hidalgo) February 24, 2017
پیرس کی میئراین ہدالگو نے اس تاثر کو بھی غلط قرار دیا کہ امریکہ سے آنے والے سیاحوں کی تعداد کم ہو رہی ہے۔ان کے مطابق شہر میں امریکہ سے آنے والوں کی بکنگ 2017 میں 30 فیصد بڑھ گئی ہے۔
خیال رہےکہ حال ہی میں کنزرویٹو پولیٹکل ایکشن کانگریس کی تقریب کی سالانہ تقریب سے خطاب میں صدر ٹرمپ کا کہنا تھا کہ ان کا ایک دوست پیرس جانا پسند کرتا تھا لیکن اب اس نے وہاں جانا چھوڑ دیا ہے۔’پیرس اب پیرس نہیں رہا۔‘
امریکی صدر نےاپنی تقریر کے دوران دہشت گردی کے خلاف یورپی ممالک کی کوششوں کو بھی تنقید کا نشانہ بنایاتھا۔
دوسری جانب فرانسیسی صدر اولاند نے ڈونلڈ ٹرمپ کے بیان کے بارے میں کہا کہ ایک اتحادی کے ساتھ ایسا سلوک نہیں کیا جانا چاہیے۔
واضح رہےکہ 2015 کے آغاز سے اب تک فرانس میں مختلف دہشگردی کے واقعات میں 230 افراد ہلاک ہو چکے ہیں اور فرانس ایک سال سے زیادہ سے ہنگامی صورتحال میں ہے۔