تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کے الیکٹرک‘ امراضِ قلب کے موبائل یونٹ کو مفت بجلی فراہم کرے گا

کراچی: کے الیکٹرک نے قومی ادارہ برائے امراضِ قلب کے ایمرجنسی موبائل یونٹ کو 24 گھنٹے بلا تعطل مفت بجلی سپلائی کرنے کا اعلان کردیا۔

تفصیلات کے مطابق کراچی میں واقع قومی ادارہ برائے امراض قلب نے دور دراز علاقوں میں رہنے والے شہریوں کو فوری طبی امداد فراہم کرنے کے لیے شہر کے پلوں کے نیچے موبا ئل یونٹ کھڑے کرنے کا منصوبہ تیار کیا ہے اور اس سلسلےکا پہلا یونٹ ضلع شرقی کے علاقے گلشن ِ اقبال میں گلشن چورنگی کے پل کے نیچے قائم کیا گیا ہے۔

قومی ادارہ برائے امراض ِ قلب کے مطابق یہ موبائل یونٹ آٹھ مئی 2017 کو 24 گھنٹے لگاتار اعوام کو طبی مدد فراہم کرنے کے لیے قائم کیا گیا تھا اور ابتدائی طور پر انہوں نے اپنی بجلی کا انتظام جنریٹر کے ذریعے کیا تھا۔ تاہم کے الیکٹرک نے اب انہیں ایک سال تک مفت اور بلا تعطل بجلی فراہم کرنے کا اعلان کیا ہے۔

گلشن چورنگی پر واقع پل کے نیچے یہ موبائل یونٹ 24 گھنٹے کام کرتا ہے اور گزشتہ ماہ سے لے کر اب تک 850 شہریوں کو طبی امداد فراہم کرچکا ہے۔

عالمی طرز کا ادارہ بننے کی جانب قدم


قومی ادارہ برائے امراض قلب کے ایگزیکٹو ڈائریکٹر ڈاکٹر ندیم قمر کا کہنا ہے ان کے ادارے نے دو سال قبل تہیہ کیا تھا کہ وہ اپنا شمار عالمی سطح کے امراض قلب کے ادارے کے طور پر کرائیں گے اوراس کے لیے وہ اور ا ن کی ٹیم رات دن کوشاں ہے۔ ان کا کہنا تھا کہ موبائل یونٹ کا قیام بھی اسی سلسلے کی کڑی ہے تاکہ مریضوں کو بروقت ابتدائی طبی امداد فراہم کی جاسکے ۔

ایک محتاط اندازے کے مطابق کراچی کی آبادی دو کروڑ سے تجاوز کرچکی ہے اور اس طویل عریض شہر میں سرکاری سطح پر امراضِ قلب کی سہولیات نہ ہونے کے برابر ہیں جبکہ کوئی غریب شخص کسی نجی اسپتال کا رخ کرنے کا تصور بھی نہیں کرسکتا‘ ایسے میں قومی ادارہ برائے امراض ِ قلب ہی شہرِ قائد کے مکینوں کے لیے امید کی واحد کرن ہے۔

یاد رہے کہ انڈس اسپتال کورنگی سمیت اور بھی کچھ رفاعی ادارے ایسے ہیں جنہیں کے الیکٹرک بلا معاوضہ بجلی فراہم کرتا ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments

- Advertisement -
فواد رضا
فواد رضا
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں