تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

انٹرنیٹ کے استعمال میں ایشیا امریکا اور یورپ سے آگے

نیویارک: انٹرنیٹ کا استعمال امریکا اور یورپ سے زیادہ ایشیا میں کیا جاتا ہے، ایشیا میں ایک ارب 85 کروڑ افراد انٹرنیٹ استعمال کرتے ہیں۔

عالمی ادارے کی رپورٹ کے مطابق دنیا بھر کے انٹرنیٹ صارفین میں سے 50.2 فیصد افراد کا تعلق ایشیا سے ہے، گزشتہ 17 برس کے دوران ایشیا صارفین کی تعداد میں 15سو فیصد سے زائد اضافہ ہوا ہے۔

سروے کے مطابق پاکستان کی آبادی 19 کروڑ سے زائد ہے سال 2016ء میں پاکستان میں انٹرنیٹ کے صارفین کی تعداد 3 کروڑ 45 لاکھ تھی پاکستان کی آبادی کا 17 اعشاریہ 8 فیصد انٹرنیٹ استعمال کرتا ہے، پاکستان میں 2 کروڑ 70 لاکھ افراد فیس بک استعمال کرتے ہیں۔

دریں اثنا عالمی ادارے کے مطابق سال 2017 کے اختتام تک دنیا کی آبادی 7 ارب 51 کروڑ ہوجائے گی، صرف ایشیا کی آبادی 4 ارب 14 کروڑ ہوگی، افریقا کی آبادی رواں سال ایک ارب 24 ہوجائے گی۔

یہ  پڑھیں: ایشیائی لوگ فیس بک کے زیادہ شیدائی نکلے

چند روز قبل فیس بک انتظامیہ نے بیان جاری کیا تھا کہ دنیا بھر میں اس کے سب سے زیادہ صارف یورپ یا امریکا میں نہیں بلکہ براعظم ایشیا میں ہیں جہاں روزانہ تقریباً 40 کروڑ افراد روزانہ اپنا فیس بک اکاؤنٹ استعمال کرتے ہیں۔

انتظامیہ کے مطابق گزشتہ 2 برس کے دوران براعظم ایشیا میں فیس بک کے صارفین میں 57 فیصد اضافہ ہوا ہے جو کہ کسی بھی خطے میں موجود فیس بک کے صارفین کی تعداد میں تیز ترین اضافہ ہے۔

یہ بھی پڑھیں: انٹرنیٹ کا زیادہ استعمال صحت کے لیے خطرناک 

فیس بک اعلامیے کے مطابق روزانہ کی بنیاد پر ایک ارب 23 کروڑ افراد اپنے فیس بک اکاؤنٹ پر لاگ آن ہوتے ہیں۔

Comments

- Advertisement -