نئی دہلی: بھارتی فوجی اپنے افسران کے برے سلوک سے پریشان ہیں، بھارت کی فوج نے سوشل میڈیا کے ذریعے اپنے ساتھ ہونے والی ناانصافیوں کی حقیقت لوگوں تک پہنچائی.
تفصیلات کے مطابق بھارت کی سرحدوں پر کھڑی افواج اپنے ملک کے تحفظ کی ذمے داری کے ساتھ ساتھ افسران کے نارواسلوک سے پریشان ہیں،انہوں نے اپنے تحفظات کا اظہار مزید ایک اورویڈیو کے ذریعے سے کیا ہے.
ویڈیو میں بھارتی فوجی کا کہنا ہے کہ معمولی غلطیوں پرسخت سزائیں دی جاتی ہیں، سزا کے طورپرافسروں کےگھریلوکام پرمجبورکیا جاتا ہے.
یاد رہے کہ یہ اپنی نوعیت کا پہلا واقعہ نہیں ہے،کچھ دن قبل بھی اس قسم کی صورتحال وقتاً فوقتاً رونما ہوتی رہی ہے، موجودہ صورتحال سے یوں لگتا ہے کہ جیسے یہ سلسلہ رکنے والا نہیں ہے.
مزید پڑھیں: بھارتی فوجی نے ویڈیو جاری کرکے اپنی فوج کو بے نقاب کردیا
اس سلسلے کا آغاز رواں سال ہوا، جب بھارتی فوجی اہلکار تیج بہادریادیو نے سوشل میڈیا پر ایک ویڈیو جاری کی، جس میں بھارتی فوجی اہلکاروں کے ساتھ ہونے والے ناروا سلوک کا پردہ فاش کیا تھا.
مزید پڑھیں: سوشل میڈیا پر ویڈیو پیغام دینے والا بھارتی فوجی لاپتہ ہوگیا
بعد ازاں سوشل میڈیا پر ویڈیو پیغام میں اپنی فوج کا بھانڈا پھوڑنے والا بھارتی فوجی لاپتہ ہوگیا۔
مزید پڑھیں:ں بھارتی آرمی چیف نے فوجیوں کے لیے سوشل میڈیا کوممنوع قرار دے دیا
جس کے بعد بھارتی آرمی چیف جنرل بپن نےاپنے جوانوں کو سوشل میڈیا کا استعمال کرنے سے روک دیا تھا۔ انہوں نے کہا تھا کہ جس کو کوئی شکایت ہے وہ سوشل میڈیا کے بجائے براہ راست بات کریں ۔
مزید پڑھیں: بھارتی آرمی چیف کی دھمکیاں بے اثر بھارتی فوجیوں نے شکایت سامنے لانے کا انداز بدل لیا
یہی نہیں اس کے بعد بھارتی فوجیوں نے آرمی چیف بپن راوت کی سوشل میڈیا استعمال نہ کرنے کے حکم پر احتجاج کا نیا طریقہ ڈھونڈ لیا، سکھ فوجیوں کے گروپ نے گانے کی صورت میں شکایت کی ویڈیو سوشل میڈیا پرڈال دی۔
مزید پڑھیں:افسرکی بدسلوکی کے شکاربھارتی فوجی نےخودکشی کرلی
ابھی حال ہی میں ایک بھارتی فوج کے افسرکی بدسلوکی کا نشانہ بننے والے اہلکارنے خودکشی کرلی تھی، اہلکارنے ویڈیو کے ذریعے سینئرافسرکی بدسلوکی کی شکایت کی تھی۔
