نئی دہلی : بھارتی وزیر خارجہ سشما سوراج نے کہا ہے کہ بھارت نے اپنے جاسوس کلبھوشن یادیو کی سزائے موت پر عملدرآمد رکوانے کے لئے عالمی عدالت انصاف سے رجوع کر لیا ہے۔
بھارتی وزیر خارجہ سشما سوراج نے سماجی رابطے کی ویب سائٹ ٹوئٹر پر اپنے ایک پیغام میں کہا ہے کہ بھارت عالمی عدالت انصاف میں کلبھوشن یادیو کو انصاف دلوانے کے لیے رجوع کر رہے ہیں۔
انہوں نے کہا کہ سینئر وکیل ہارش سلیو عالمی عدالت انصاف میں بھارت کی نمائندگی کریں گے اور عالمی عدالت سے کلبھوشن یادیو اور ان کے اہل خانہ کو انصاف دلوائیں گے۔
Mr.Harish Salve, Senior Advocate is representing India before International Court of Justice in the #KulbhushanJadhav case.
— Sushma Swaraj (@SushmaSwaraj) May 9, 2017
بھارتی وزیر خارجہ سشما سراج نے مزید کہا کہ علامی عدالت انصاف میں دائر درخواست میں کلبھوشن یادیو تک قونصلر رسائی کا مطالبہ بھی کرتے ہوئے موقف اختیار کیا گیا ہے کہ رسائی نہ دینا ویانا کنونشن کی خلاف ورزی ہے۔
I have spoken to the mother of #KulbhushanJadhav and told her about the order of President, ICJ under Art 74 Paragraph 4 of Rules of Court.
— Sushma Swaraj (@SushmaSwaraj) May 9, 2017
وزیر خارجہ نے اپنے ایک اور پیغام میں بتایا کہ انہوں نے کلبھوشن یادیو کی والدہ سے ملاقات کی ہے اور انہیں بھارتی حکومت کی جانب سے کی جانے والے اقدامات سے آگاہ کیا اور ہر طرح کے تعاون کی یقن دہانی کرائی۔
واضح رہے کہ کلبھوشن نے پاکستان میں دہشت گردی کی کارروائیوں کا اعتراف کررکھا ہے اور گزشتہ برس جاسوس نیٹ ورک چلاتے ہوئے گرفتارہوا تھا جو ایران کے راستے پاکستان آیا تھا اور بلوچستان میں گرفتارکیا گیا اور بعد ازاں فوجی عدالت نےبھارتی جاسوس کلبھوشن یادیو کوسزائےموت سنائی تھی۔
