site
stats
کتب

پاکستان کی شناخت‘50 نامور شخصیات کے انٹرویوزپرمشتمل کتاب کی تقریبِ رونمائی

In conversation with legends

کراچی: معروف صحافی ’خرم سہیل ‘ کے انٹرویوز پر مشتمل کتاب ’’ ان کنورسیشن ود ھ لیجنڈز‘‘ کی تقریبِ رونمائی ‘ کراچی کے فرانسیسی ثقافتی مرکز میں منعقد کی گئی ‘ انٹرویوز کو انگریزی قالب میں افراح جمال نے ڈھالا ہے ۔

یہ کتاب پاکستانی فنون لطیفہ سے تعلق رکھنے والی 50 نامور شخصیات کے انٹرویوز کا مجموعہ ہے، جن کا انگریزی ترجمہ افراح جمال نے کیا ہے۔ ان دونوں صحافیوں نے، اس کتاب کو بین الاقوامی دنیا کے سامنے، پاکستان کے ثقافتی تعارف کو پیش کرنے کی غرض سے، مشترکہ منصوبے پر ایک ساتھ کام کیا۔

ان کنورسیشن ودھ لیجنڈز

یہ تقریب فرانسیسی ثقافتی مرکز کے تعاون سے منعقد کی گئی۔ اس موقع پر پاکستان کے معروف ستارنواز استاد رئیس خان اور گٹارسٹ عامر ذکی کو تراب علی ہاشمی (ستارنواز) اور آصف سنین(گٹارسٹ) نے، اپنے فن کے ذریعے خراج عقیدت پیش کیا۔

In conversation with legends

خرم سہیل اور افراح جمال نے اس مشترکہ منصوبے پر کام کرنے کے دوران آنے والی دشواریوں کا تذکرہ کرتے ہوئے اپنے تجربات بیان کیے۔ اس کتاب کے مصنف اورصحافی خرم سہیل کی 10سالہ صحافتی جدوجہد مکمل ہونے پر ایک دستاویز ی فلم بھی حاضرین کو دکھائی گئی۔

اے آروائی نیوز سے گفتگو کرتے ہوئے خرم سہیل کا کہنا تھا کہ یہ کتاب ان کے دس سالہ صحافتی سفر کا احاطہ کرتی ہے اوربالخصوص بین الاقوامی قارئین یعنی غیر ملکیوں کے لیے لکھی گئی ہے تاکہ ہم پاکستان کی ثقافت کو مختصر اورجامع انداز میں دنیا کے سامنے مثبت انداز میں پیش کرسکیں۔

In conversation with legends

خرم سہیل کتاب پر دستخط کرتے ہوئے

افراح جمال اپنی ایک فیس بک پوسٹ میں کہتی ہیں کہ اس کتاب کو مرتب کرنے کا مقصد بین الاقوامی دنیا کو بتانا ہے کہ پاکستان بھی اپنی مضبوط ثقافت اور فن کے ساتھ دنیا کے نقشے پر موجود ہے‘ ان کا مزید کہنا ہے کہ اس کتاب کے پیچھے ان کی چار سال کی محنت ہے۔

رسیدی ٹکٹ – امرتا پریتم کے نقوشِ قدم پرسفر*

 تقریب کے حاضرین میں فرانسیسی ثقافتی مرکز کے ڈائریکٹر”جے فرانسیز شینا“، جاپان کے نائب قونصل جنرل”کازوسکادا“، جمیل دہلوی(فلم ساز) جاوید جبار(دانشور)، علی ٹم(موسیقار) ، آئلہ رضا(ڈائریکٹرکل پاکستان موسیقی کانفرنس) ، عمرفرید(مصور) اکبرسبحانی(اداکار) ، عاطف بدر(تھیٹر) سبوحہ خان(قلم کار)، اقبال صالح محمد(چیئر مین پیرا ماؤنٹ بکس) ، شمیم باذل اور شاہد رسام(مصور) کے علاوہ بھی، ثقافت اور صحافت سے تعلق رکھنے والی دیگر شخصیات نے شرکت کی۔

In conversation with legends

خرم سہیل اور افراح جمال بین الا قوامی فلم ساز جمیل دہلوی کو اپنی کتاب پیش کر رہے ہیں، وہ اس کتاب میں اور سرورق پر بھی موجود ہیں


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

اس ویب سائیٹ پر موجود تمام تحریری مواد کے جملہ حقوق@2017 اے آروائی نیوز کے نام محفوظ ہیں

To Top