سری نگر: آئی سی سی چمپیئنز ٹرافی میں پاکستان کی بھارت کیخلاف شاندار جیت پر ملک کے قریہ قریہ، چپہ چپہ میں جشن منایا جارہا ہے، سری نگر کی فضا بھی پاکستان زندہ باد کےنعروں سےگونج اٹھی۔
تفصیلات کے مطابق پاکستان کی فتح پر کراچی تا خیبر مظفرآباد تا سری نگر ہرجگہ فتح کے شادیانے بجائے جارہے ہیں، شاہینوں کی جانب سےبھارتی سورماؤں کو عبرتناک شکست نے مقبوضہ کشمیرکےعوام کو بھی نہال کردیا۔
پاکستان کی جیت میں کشمیری نوجوان دھمال ڈالتے ہوئے سڑکوں پرنکل آئے۔ کشمیر نوجوانوں نے پاکستانی ٹیم کی جیت پرشاندارآتش بازی کی۔ اس موقع پر سری نگرکی فضا پاکستان زندہ باد کے نعروں سےگونج اٹھی۔
The whole KASHMIR has gone into Frenzy on Pakistan win over arch rivals India in Champions Trophy final #PakistanZindabad pic.twitter.com/CWwpt7fKqX
— Emran Brohi (@ibrohi31) June 18, 2017
پاکستانی ٹیم کی تاریخی فتح پربھارتی فوج نےکرفیو نافذ کردیا، خوفزدہ بھارتی فوج نےانٹرنیٹ سروس بھی بند کردی۔
حریت قائدین سیدعلی گیلانی، میر واعظ عمرفاروق نے بھارت کے خلاف شاندار فتح پر پوری ٹیم اورپاکستانیوں کو دلی مبارکباد دی ہے۔
حریت رہنماء یاسین ملک اور ان کی اہلیہ مشعال ملک نے بھی بھارت کیخلاف جیت پر پاکستانی قوم اور ٹیم کو مبارکبا دی ہے۔
