بال ہماری شخصیت کا اہم حصہ ہیں اور یہ ہماری شخصیت کا اچھا یا برا تاثر قائم کرتے ہیں۔
روکھے پھیکے، بے جان بال ایک بہترین شخصیت کو ماند کر سکتے ہیں جبکہ خوبصورت، جاندار اور چمکدار بال کسی معمولی شخصیت کو بھی نہایت شاندار اور پرکشش بنا سکتے ہیں۔
اسی طرح ہیئر اسٹائل بھی ایسا ہونا چاہیئے جو شخصیت سے میل کھاتا ہو، بھدا معلوم نہ ہوتا ہو۔
بالوں کی حفاظت کرتے ہوئے بال جھڑنا ایک بہت بڑا مسئلہ بن جاتا ہے جس پر قابو پانا بعض اوقات بہت مشکل ہوتا ہے۔
مزید پڑھیں: گرمیوں میں بالوں کی نگہداشت کے آسان طریقے
آج ہم اس آسان مسئلے کا حل پیش کرنے جا رہے ہیں۔ ذیل میں بتایا گیا قدرتی نسخہ آپ کے بالوں کا گرنا روک کر ان کی نشونما کو بہتر کرے گا اور آپ کے بال لمبے ہونے لگیں گے۔
سب سے پہلے 2 یا 3 عدد آلو لیں۔
انہیں دھو کر ان کا چھلکا اتار لیں۔
آلو کے چھوٹے چھوٹے ٹکڑے کرلیں۔
انہیں بلینڈر میں ڈالیں، پانی شامل کریں اور بلینڈ کر کے پیسٹ بنا لیں۔
اب اس پیسٹ کو کسی صاف چھلنی سے چھان کر اس کا پانی الگ کرلیں۔
آلو کے اس رس سے سر کی جلد کا مساج کریں۔ اسے پورے بالوں پر سروں تک لگا کر 20 سے 25 منٹ کے لیے چھوڑ دیں اور پھر صاف پانی سے دھو لیں۔
آلو کا رس آپ کے بالوں میں قدرتی چمک پیدا کرتا ہے اور بالوں کے بڑھنے کی رفتار میں اضافہ کرتا ہے۔
اس نسخے کو ہفتے میں کم از کم 2 بار آزمائیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
