کراچی: وزیراعلیٰ سیکریٹریٹ میں گرین لائن بسوں کے منصوبے کا جائزہ کے لئے اجلاس کا انعقاد کیا گیا، پلاننگ اینڈ ڈیولپمنٹ کے محکمے کی جانب سے وزیراعلیٰ سندھ کوبریفنگ دیتے ہوئے کہا گیا کہ ہربس اسٹاپ کے ساتھ پبلک بیت الخلا بنا رہے ہیں، گارڈن ویسٹ پرگرین لائن کے لیے کمانڈ اینڈ کنٹرول سینٹر بنایا جا رہا ہے.
تفصیلات کے مطابق وزیراعلیٰ سندھ کی زیرصدارت گرین لائن منصوبے پراجلاس کا انعقاد کیا گیا، جس میں وزیرٹرانسپورٹ ناصر شاہ، وزیر بلدیات جام خان شورو،چیف سیکریٹری رضوان میمن سمیت پرنسپل سیکریٹری ،پلاننگ ڈیولپمنٹ گرین لائن منصوبے اوردیگرحکام نے شرکت کی۔
ترجمان وزیراعلیٰ ہاوس نے بتایا کہ وزیراعلیٰ سندھ کو صالح فاروقی نے بریفنگ دی، انہوں نے مراد علی شاہ کو بتایا کہ ہربس اسٹاپ کے ساتھ پبلک بیت الخلا بنا رہے ہیں، گارڈن ویسٹ پرگرین لائن کے لیے کمانڈ اینڈ کنٹرول سینٹر بنایا جا رہا ہے، بس اڈہ سرجانی ٹاؤن پر ہوگا.
مزید پڑھیں:کراچی: گرین لائن میٹرو بس کے روٹ میں توسیع کا فیصلہ
منصوبے کی تکمیل کے لئے 7321 درخت کاٹ رہے ہیں تاہم صالح فاروقی نے وزیراعٰلی سندھ کو یقین دھانی کروائی کہ ایک درخت کٹ رہا ہے تو اس کی جگہ 3درخت لگائیں گے،اس منصوبے کو سرسبز و شاداب بنا یا جا رہا ہے، منصوبےکی تکمیل تک 21ہزاردرخت لگا چکے ہوں گے.
