کیلی فورنیا: دنیا کی سب سے بڑی آئی ٹی کمپنی ’گوگل‘ کی میپ سروس اب صارفین کو یاد دلائے گی کہ ان کو اپنی کار کہاں پارک کرنی ہے۔
تفصیلات کےمطابق گوگل نے انڈورائیڈ صارفین کےلیے اپنی نئی ایپ کا بیٹا ورژن متعارف کروایا ہےجس میں بہت سے نئے فیچرز متعارف کروائے گئے ہیں۔
اس ایپ کی جو خاص بات ہے وہ یہ کہ اس کے ذریعے سےکار چلانے والے افراد کو کار پارکنگ ڈھونڈنے کی ضرورت نہیں ہوگی یہ ایپ انہیں بتائے گی کہ کار کہاں پارک کرنی ہے۔
اس گوگل میپ سروس کے کارپارکنگ فیچرخصوصیت یہ ہےکہ اس کےذریعےسےصارفین پہلے اپنی پارکنگ کی جگہ کا انتخاب کریں گےاس کےبعد اس جگہ کو اپنی ایپ میں محفوظ کرلیں گےجس کےبعد یہ ایپ انہیں پارکنگ کی جگہ یاد دلاتی رہے گی۔
اس طرح کی ملتی جلتی میپ سروس ایپل کمپنی کی جانب سے بھی متعارف کروائی گئی ہےجوخود بخود کار پارک کرنے کی جگہ اپنے پاس محفوظ کرلیتی ہےلیکن اس کےلیے آئی فون اور کار میں بلوٹوت کنکشن کی ضرورت ہوتی ہے۔
مزید پڑھیں:گوگل کی جانب سے ’’مائی اکاؤنٹ‘‘ سروس شروع
یاد رہےکہ گزشتہ سال گوگل کی جانب سے اینڈرائیڈ ، آئی او ایس کے گمشدہ موبائل فونز کو تلاش کرنے کے لیے’مائی اکاؤنٹ‘سروس شروع کی گئی تھی۔
واضح رہےکہ گوگل میپ ایپ کی پارکنگ سروس کا فیچر ابھی صرف انڈورائیڈصارفین تک محدود ہے۔
