گلگت سٹی: پاکستان کے علاقے گگلت بلتستان سے تعلق رکھنے والی استاد سلیمہ بیگم کو گلوبل ٹیچر ایوارڈ کے لیے دنیا کے 179 ممالک کے 20 ہزار اساتذہ میں سے شارٹ لسٹ کرلیا گیا ہے۔
تفصیلات کے مطابق عالمی ٹیچر ایوارڈ کے لئے شارٹ لسٹ 10امیدواروں میں سے کسی ایک کو 2017ء کا یہ ایوارڈ دیا جائے گا جبکہ دیگر خواتین کا تعلق جمیکا، سپین، برطانیہ، جرمنی، کینیڈا، برازیل، آسٹریلیا، کینیا اور چین سے ہے۔
پاکستان سے واحد شارٹ لسٹ ٹیچر سلیمہ بیگم کا تعلق گلگت کے مضافاتی گاؤں اوشکھنداس سے ہیں اور وہ اس وقت بطور انسٹرکٹر ایلمینٹری کالج برائے خواتین گلگت میں پیشہ وارانہ خدمات سرانجام دے رہی ہیں۔
عالمی ٹیچرپرائز2016 کی حتمی فہرست، پاکستانی ٹیچربھی شامل
عالمی گلوبل ایوارڈ کے لئے ٹاپ 10امیدواروں میں شامل سلیمہ بیگم کی شارٹ لسٹنگ پیشہ وارانہ فرائض میں شواہد کی بنیاد پر کارکردگی سامنے آنے کے بعد کی گئی ہے۔
گلوبل ٹیچر ایوارڈ کی دوڑ میں شامل امیدواروں میں سے سال 2017ء کا ایوارڈ جس کے سر بھی سجے گا اس کو ایوارڈ کے ساتھ ایک ملین امریکی ڈالر کیش انعام بھی ملے گا۔
سلیمہ بیگم 1992ء سے محکمہ تعلیم گلگت میں بحیثیت مدرس پیشہ وارانہ زمہ داریاں سرانجام دینے کے ساتھ آج کل ٹیچر ایجوکیشن میں پی ایچ ڈی کررہی ہیں‘ اس سے قبل انہوں نے انسٹیٹیوٹ آف ایجوکیشن میں ایم ایس لندن سے کیا ہے۔
گلوبل ٹیچرزپرائز 2016 کے للئے جن اساتذہ کا انتخاب کیا گیا ہے ان میں پاکستان میں خواتین کی تعلیم کے لیے کوشاں ’عقیلہ آصفی‘ بھی شامل ہیں۔
علی ظفر گلوبل ٹیچر پرائز کی ججنگ اکیڈمی میں شامل
