شہید لیفٹیننٹ ارسلان عالم فوجی اعزاز کے ساتھ سپرد خاک

مری : راجگال میں سرحد پار دہشت گردوں کی فائرنگ سے شہید ہونے والے لیفٹیننٹ ارسلان عالم کوفوجی اعزاز کے ساتھ ان کے آبائی علاقے نیو مری گیل میں سپرد خاک کردیا گیا۔

تفصیلات کے مطابق راجگال میں سرحد پاردہشت گردوں کی فائرنگ سے شہید ہونے والے لیفٹیننٹ ارسلان کی نماز جنازہ آبائی علاقےنیومری گیل میں ادا کی گئی اور فوجی اعزاز کے ساتھ تدفین کی گئی۔

شہید لیفٹیننٹ ارسلان عالم کی نمازجنازہ میں کورکمانڈر راولپنڈی ندیم رضا، جی او سی مری اظہرعباس سمیت شہید کے لواحقین اور اہل محلہ اور قریبی علاقوں سے تعلق رکھنے والے افراد کی بڑی تعداد نے شرکت کی۔

لیفٹیننٹ ارسلان کی نماز جنازہ ادا، شہادت کی بہت خواہش تھی

خیال رہے کہ گزشتہ روز لیفٹیننٹ ارسلان عالم کی نمازجنازہ پشاور گیریژن میں ادا کی گئی جس میں شہید کے اہل خانہ، گورنر خیبر پختونخوا، کور کمانڈر پشاورلیفٹیننٹ جنرل نذیربٹ اور دیگر سول و فوجی حکام نے شرکت کی۔

راجگال : دہشت گردوں کی فائرنگ‘ پاک فوج کےآفیسرکمانڈنگ شہید

یاد رہے کہ گزشتہ روز وفاقی کے زیرانتظام قبائلی علاقے خیبرایجنسی میں راجگال کے علاقے میں قائم کی گئی نئی پاکستانی چیک پوسٹ پر سرحد پارسے دہشت گردوں کی فائرنگ سے پاک فوج کے آفیسر کمانڈنگ لیفٹیننٹ ارسلان عالم شہید ہوگئے تھے۔

پاک فوج کے شعبہ تعلقات عامہ آئی ایس پی آر کے مطابق 22 سالہ پاک فوج کے آفیسر کمانڈنگ لیفٹیننٹ ارسلان عالم راجگال میں سرحدی پوسٹ پرڈیوٹی پرمامورتھے۔

پاک فوج کے آفیسر لیفٹیننٹ ارسلان عالم والدین کے اکلوتے بیٹے اور3 بہنوں کے بھائی تھے۔

واضح رہے کہ وزیراعظم شاہد خاقان عباسی نےلیفٹیننٹ ارسلان عالم کی شہادت پرافسوس کا اظہار کرتے ہوئے کہا تھا کہ دہشت گردی کے خلاف بطور خود مختار قوم ہماری بقا کا معاملہ ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments