ہانگ کانگ : ہانگ کانگ ایئرپورٹ پر کھڑے امریکی ایئر لائن کے طیارے میں اچانک آگ بھڑک اُٹھی جس کے نتیجے میں ایک مسافر معمولی زخمی ہوگیا۔
تفصیلات کے مطابق ہانگ کانگ ایئر پورٹ پر کھڑے امریکی ائیر لائن بوئنگ 777 میں اس وقت آگ بھڑک اُٹھی جب ایک کارگو ٹرک کے ذریعے طیارے میں سامان رکھا جا رہا تھا۔
آگ لگنے سے ایک مسافر کے معمولی زخمی ہونے کی اطلاع سامنے آئی ہے جو طیارے کے قریب سے گزر رہا تھا، فائر بریگیڈ نے امدادی کاموں کا آغاز کر کے آگ پر قابو پالیا۔
ایئر پورٹ انتظامیہ کا کہنا ہے کہ امریکی طیارہ کارگو طیارہ تھا جسے ترسیل سامان کے لیے استعمال کیا جانا تھا، یہ مسافر بردار طیارہ نہیں تھا لجس کے باعث کوئی جانی نقصان نہیں ہوا۔
ہانگ کانگ ایئرپورٹ پر لگنے والی آگ کے باعث تمام پروازیں منسوخ کر دی گئی ہیں جب کہ ریسکیو ادارے امدادی کاموں میں مشغول ہیں اور ایئر پورٹ کو کلیئر کروانے کے بعد فلائٹ کی آمد و رفت کے لیے کھول دیا جائے گا۔
. @AmericanAir 777 on fire at #HongKong Airport pic.twitter.com/KXBmA8arCP
— Ryan Northover (@RyanNorthover) October 9, 2017
ایئر پورٹ سیکیورٹی حکام کا کہنا ہے کہ ابتدائی طور پر آگ لگنے کی وجوہات کا تعین نہیں کیا جا سکا ہے تاہم اہلکار ابتدائی شواہد اکٹھا کرنے میں مصروف ہیں جب ایئر پورٹ انتظامیہ نے بھی واقعے کی تحقیقات کے لیے کمیٹی تشکیل دے دی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔