تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

گوگل کی جانب سے ’’مائی اکاؤنٹ‘‘ سروس شروع

کیلی فورنیا : گوگل کی جانب سے اینڈرائیڈ ، آئی او ایس کے گمشدہ موبائل فونز کو تلاش کرنے کے لیے ’’مائی اکاؤنٹ‘‘ سروس شروع کردی گئی ہے۔

تفصیلات کے مطابق گوگل کی جانب سے اس سروس کے لیے ’’مائی اکاؤنٹ‘‘ نامی ویب سائٹ ایک سال قبل بنائی گئی تھی تاہم گزشتہ روز بلاگ کے ذریعے اس سروس باقاعدہ شروع کرنے کا اعلان کیا گیا ہے۔

گوگل بلاگ میں کہا گیا ہے کہ ’’اس سروس کے ذریعے صارفین اپنے گمشدہ یا چوری ہونے جانے والے موبائلز کو بہت آسانی سے تلاش کرسکتے ہیں‘‘۔

google1

قبل ازیں ادارے کی جانب سے یہ سروس صرف اینڈرائیڈ صارفین کے لیے ایک ٹول کے طور پر فراہم کی گئی تھی، مگر اب فیچر کو اپ ڈیٹ کر کے آئی او ایس صارفین کو بھی اس سروس میں شامل کرلیا گیا ہے۔

بلاگ میں کہا گیا ہے کہ اب صارفین کہیں دور بیٹھ اپنے موبائل سے گوگل کے اکاؤنٹ کو سائن آؤٹ کر سکیں گے اور اپنے موبائل کے مقام کو گوگل میپ سروس کے ذریعے تلاش کرسکتے ہیں۔

اس میں مزید کہا ہے کہ مستقبل میں صارفین کی مشکلات کو دور کرنے کے لیے اس عمل کو آسان بنایا جائے گا اور انگریزی کے علاوہ اس سروس کو دیگر زبانوں میں بھی متعارف کروایا جائے گا، مستقبل میں صارفین اپنی آواز کے ذریعے اپنا مائی اکاؤنٹ کھول سکیں گے۔

اس سروس کے ذریعے صارفین اپنا فون لاک کرنے کے ساتھ ، کال ، اکاؤنٹ محفوظ بنانے اور اسکرین پر کال بیک نمبر چھوڑ سکتے ہیں۔

سروس استعمال کرنے کا طریقہ

اس سروس کا طریقہ استعمال نہایت آسان ہے، سب سے پہلے گوگل پر جائیں اور اُس اکاؤنٹ سے لاگ ان ہوں جو ای میل آپ کے موبائل میں ڈالا گیا ہے،صفحہ کھلنے پر سرچ باکس میں "Where’s my phone?”ٹائپ کر کے انٹر کا بٹن دبائیں۔

2

اگلے لمحے میں آپ کے سامنے ایک نقشہ آجائے گا جہاں آپ کے فون کی لوکیشن ظاہر ہورہی ہوگی۔

1

اگر آپ کا فون دفتر یا گھر میں موجود ہے اور مل نہیں رہا ہے تو آپ رنگ کے بٹن پر کلک کریں جس کے بعد آپ کا موبائل بجنے لگے گا۔

3

یاد رہے اس سروس کو استعمال کرنے کے لیے موبائل فون میں انٹرنیٹ کی سہولت ہونا بہت ضروری ہے۔

 

Comments

- Advertisement -