site
stats
اے آر وائی خصوصی

شہنشاہ جذبات اداکارمحمد علی کی گیارہویں برسی آج منائی جارہی ہے

کراچی : اپنی منفرد اداکاری سے شہنشاہ جذبات کا خطاب پانے والے پاکستانی فلموں کے نامور اداکار محمد علی کو مداحوں سے بچھڑے گیارہ برس بیت گئے لیکن ان کی اداکاری کا سحر آج بھی برقرار ہے۔

اداکارمحمد علی 10 نومبر 1938ء کو ہندوستان کے شہر رامپور کے مذہبی گھرانے میں پیدا ہوئے۔ محمد علی نے اپنے کیریئر کا آغاز ریڈیو پاکستان حیدر آباد سے کیا اور 1962ء میں ان کی پہلی فلم ‘چراغ جلتارہا’ ریلیز کی گئی جبکہ محمد علی کی اور مقبول فلم ‘شرارت’ 1964ء میں ریلیز ہوئی۔

ali-post-01

اداکار محمد علی نے چاردہائیوں تک سلوراسکرین پر حکمرانی کرکے کروڑوں فلم بینوں کے دلوں پر راج کیا، محمد علی نے 300  سے زائد فلموں میں اداکاری کے جوہر دکھائے جن میں پنجابی فلمیں بھی شامل ہیں۔ منفرد انداز، آواز کے اتار چڑھاؤ پر مکمل دسترس اور حقیقت سے قریب تر اداکاری نےمحمد علی کو شہرت کی بلندیوں پر پہنچا دیا۔

فلم صاعقہ کا مشہور نغمہ اے بہارو گواہ رہنا جو محمد علی اور شمیم آرا پر فلمایا گیا، قارئین کی نذر

محمد علی کی مشہور فلموں میں جاگ اٹھا انسان‘خاموش رہو‘ ٹیپو سلطان‘ جیسے جانتے نہیں‘آ گ‘ گھرانہ‘ میرا گھر میری جنت‘ بہاریں پھر بھی آئیں گی‘ محبت‘ تم ملے پیار ملا  اور دیگر بہت سی فلمیں شامل ہیں۔

ali-post-02

محمد علی نے جس اداکارہ کے ساتھ بھی کام کیا ان کی جوڑی خوب سجی، محمد علی کا شمار ورسٹائل اداکاروں میں ہوتا تھا۔ انہوں نے کئی کریکٹر رول اور منفی رول بھی بڑی کامیابی سے پرفارم کئے۔

مشہور گانا اتیرے میرے پیار کا ایسا ناتہ ہے، جو محمد علی پر فلمایا گیا، قارئین کی نذر

ان کا شمار پاکستان فلم انڈسٹری کے بہترین اداکاروں میں ہوتا تھا اوران کی بہترین کارکردگی کی بناء پر 1984ء میں ان کو ‘پرائڈ آف پرفارمنس’ ایوارڈ سے نوازا گیا۔ فلمی صنعت کے حوالے سے محمد علی کی خدمات کے پیش نظر ان کو تمغہ امتیاز سے بھی نوازا گیا اور وہ فلمی صنعت کے واحد اداکار ہیں جن کو تمغہ امتیاز دیا گیا ہے۔

انیس سو اڑتیس میں طلوع ہونے والا فلم انڈسٹری کا یہ روشن ستارہ لاہور میں انیس مارچ دوہزار چھ کو غروب ہو گیا۔ محمد علی کو لاہور میں واقع حضرت میاں میرؒ کے مزار کے احاطے میں سپرد خاک کیا گیا ہے۔

Print Friendly
Please follow and like us:

Comments

comments

اس ویب سائیٹ پر موجود تمام تحریری مواد کے جملہ [email protected] اے آروائی نیوز کے نام محفوظ ہیں

To Top