جکارتہ : انڈونیشیا کے معروف قاری الشیخ جعفر عبدالرحمان قرآن پاک کی تلاوت کے دوران انتقال کر گئے۔
عرب میڈیا کے مطابق انڈونیشیا کے مشہور قاری جعفر عبد الرحمن تقریب میں قرآن کریم کی سورہ ملک کی تلاوت کرتے ہوئے خالقِ حقیقی سے جا ملے، تقریب میں انڈونیشیا کے وزیر برائے مذہبی اموربھی موجود تھے۔
الشیخ جعفر نے سورہ ملک کی تلاوت شروع کی اور جب آیت نمبر 2 پر پہنچے ، جس میں اللہ تعالی کا فرمان ہے’’جس نے موت اور زندگی کو ایجاد کیا تاکہ تم لوگوں کو آزماکر دیکھے تم میں سے کون بہتر عمل کرنے والا ہے‘‘ تو انہیں دل کا دورہ پڑا اور اگلی آیت مکمل کرنے سے پہلے گرپڑے۔
موقع موجود افراد نے انہیں گرنے سے بچالیا مگر وہ خود قرآن پڑھتے پڑھتے انتقال کر گئے۔
ویڈیو دیکھیں
خیال رہے کہ انڈونیشیا دنیا کی سب سے بڑی مسلم آبادی والا ملک ہے، 13 صدی میں پہلی بار اسلام مسلمان تاجروں اور صوفی علما کے زریعے شمالی سماٹرا میں اپنایا گیا اور 16 صدی میں ملک کا سربراہ مذہب بن گیا۔