site
stats
سائنس اور ٹیکنالوجی

آپ کے پیروں کی ناگوار بو اس معصوم کتے کو بے ہوش کرسکتی ہے

پیروں سے بدبو آنا ایک ایسا عمل ہے جس کا احساس بعض اوقات اس شخص کو نہیں ہوتا جس کے پیروں سے بو آرہی ہوتی ہے، تاہم اس شخص کے آس پاس موجود افراد سخت الجھن اور اذیت کا شکار ہوجاتے ہیں۔

لیکن بے فکر ہیں، آپ کے پاؤں بدبو دار ہیں یا نہیں، یہ بات آپ کو یہ معصوم سا کتا بآسانی بتا سکتا ہے، لیکن خیال رہے کہ اگر آپ کے پاؤں سے ناگوار بو آرہی ہوگی تو یہ کتا بے ہوش بھی ہوسکتا ہے۔

یہ کتا دراصل روبوٹک کتا ہے جو جاپان میں بنایا گیا ہے۔ نہایت معصوم دکھنے والے اس ننھے منے روبوٹک کتے کو ہنا شن کا نام دیا گیا ہے۔ ہنا شن جاپانی زبان میں ناک کو کہا جاتا ہے۔

دو سالوں کی محنت سے بنائے جانے والے اس روبوٹک کتے کی ناک میں سونگھنے والے سینسرز نصب کیے گئے ہیں۔

کسی کے پاؤں سونگھنے کے بعد بو نہ آنے پر یہ خوشی سے دم ہلاتا ہے، ہلکی بو آنے پر بھونکتا ہے اور اگر بو بہت شدید اور ناگوار ہو تو بے ہوش ہو کر گر جاتا ہے۔

کیا آپ اپنے پاؤں اس کتے کو سونگھوانا چاہیں گے؟

مزید پڑھیں: پاؤں کو تکلیف میں مبتلا کرنے والی عام مشکلات اور ان کا حل


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

اس ویب سائیٹ پر موجود تمام تحریری مواد کے جملہ حقوق@2017 اے آروائی نیوز کے نام محفوظ ہیں

To Top