تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

دھوپ سے بچانے کے لیے سن اسکرین کی مخصوص مقدار ضروری

کیا آپ دھوپ میں نکلنے سے قبل سن اسکرین یا سن بلاک استعمال کرتے ہیں؟ اگر آپ اس عادت پر کاربند نہیں تو جان جائیں کہ آپ اپنے آپ کو شدید قسم کے خطرات کے حوالے کر رہے ہیں۔

ماہرین کا کہنا ہے کہ سورج کی بنفشی یا الٹرا وائلٹ شعاعیں ہمیں جلد کے کینسر میں مبتلا کر سکتی ہیں اور ڈاکٹرز سختی سے ہدایت کرتے ہیں کہ دھوپ میں نکلنے سے قبل سن اسکرین کا استعمال ضرور کریں۔

یہی نہیں بغیر سن اسکرین کے مستقل دھوپ میں وقت گزارنا جلد کو قبل از وقت بوڑھا کرسکتا ہے اور چہرے پر جھریاں نمودار ہوسکتی ہیں۔

sun-screen-2

لیکن ماہرین کا ماننا ہے کہ لوگ سن اسکرین استعمال کرنے کی ہدایت کو اس سنجیدگی سے نہیں لے رہے جس سے انہیں لینا چاہیئے۔ زیادہ تر لوگ سن اسکرین استعمال تو کرتے ہیں مگر اس کی اتنی مقدار نہیں لگاتے جو انہیں دھوپ سے تحفظ فراہم کرسکے۔

بہت سے لوگ اس کا استعمال ہی نہیں کرتے کیونکہ وہ اپنی جلد کے مطابق سن اسکرین نہیں ڈھونڈ پاتے یا پھر وہ ان کی خرید استطاعت سے باہر ہوتا ہے۔

امریکا میں اس حوالے سے کیے جانے والے ایک سروے کے مطابق 156 ڈرماٹولوجسٹ (ماہر جلدی امراض) نے اس بات کی تصدیق کی کہ ایک اچھا سن اسکرین چہرے کی جھریوں اور قبل از وقت جلد کو بوڑھا ہونے سے تحفظ فراہم کرتا ہے۔

مزید پڑھیں: دھوپ سے جھلسی ہوئی جلد سے نجات حاصل کرنے کا طریقہ

ان میں سے 97 فیصد نے اس بات کی بھی تصدیق کی یہ جلدی کینسر کے خطرے میں بھی کمی کرتا ہے۔

البتہ ان میں سے 99 فیصد نے اس خدشہ کا اظہار کیا کہ لوگ سن اسکرین کی مطلوبہ مقدار استعمال نہیں کرتے جس کے باعث وہ اس کے فوائد سے محروم رہتے ہیں۔

امریکی ماہرین نے بتایا کہ جلدی کینسر کے علاوہ، دھوپ میں زیادہ وقت گزارنے سے یا دھوپ کے براہ راست جلد پر پڑنے سے جلد کے اندرونی خلیات تباہ ہونے لگتے ہیں اور یوں جلد بوسیدہ ہوجاتی ہے۔

ایک سروے میں دیکھا گیا کہ وہ خواتین جو دھوپ میں کم وقت گزارتی تھیں یا دھوپ میں نکلتے ہوئے احتیاطی تدابیر اختیار کرتی تھیں ان کی جلد پر نہ صرف جھریاں کم تھیں بلکہ ان کی جلد خوبصورت اور جوان بھی تھی۔

ڈاکٹرز کے مطابق اپنی جلد کے مطابق سن اسکرین کا انتخاب کرنے کے لیے ڈاکٹرز سے مشورہ ضرور کریں تاکہ آپ سن اسکرین کے فوائد اٹھا سکیں۔

یہی نہیں دھوپ میں نکلنے سے قبل سن اسکرین کے ساتھ ساتھ دیگر احتیاطی تدابیر بھی اختیار کریں جیسے سن گلاسز، سر پر اسکارف یا چھتری اور دھوپ سے بچاؤ دینے والے کپڑے، تاکہ آپ دھوپ کے نقصانات سے محفوظ رہ سکیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

- Advertisement -