نواب شاہ : شاہد خاقان عباسی کا کہناہےکہ پاک چین اقتصادی راہداری منصوبہ ملکی معیشت اور اس کی ترقی کے لیے ایک سنگ میل ثابت ہوگا۔
تفصیلات کےمطابق نواب شاہ میں ایڈمور دولت پور آئل ٹرمینل کی افتتاحی تقریب کےموقع پر صحافیوں سے بات کرتے ہوئے کہاکہ پاک چین اقتصادی راہداری وزیراعظم محمدنوازشریف کی کوششوں کانتیجہ ہے۔
وفاقی وزیر نے کہاکہ حکومت سندھ کےشہروں، قصبوں اور دیہات میں قدرتی گیس کی فراہمی پر ہرماہ تیس ارب روپے کی اعانت دے رہی ہے۔
شاہد خاقان عباسی کاکہناتھاکہ نےپاکستان میں تیل کی قیمتیں ہمسایہ ملک سمیت تیل درآمد کرنے والے ملکوں کے مقابلے میں سب سے کم ہیں۔
تمام صوبوں کوگیس کی بلاتعطل فراہمی یقینی بنائی گئی ہے‘ وزیر پیٹرولیم
یاد رہےکہ گزشتہ دنوں وفاقی وزیرپٹرولیم شاہد خاقان عباسی کا کہناتھاکہ سندھ سمیت تمام صوبوں کوگیس کی بلاتعطل فراہمی یقینی بنائی گئی ہے۔
وفاقی وزیر پٹرولیم شاہد خاقان عباسی کا کہناتھاکہ حکومت نے تمام صوبوں کوگیس کی بلاتعطل فراہمی یقینی بنانے کاعزم کررکھا ہے۔
پاک چین اقتصادی راہداری ترقی اورخوشحالی کی راہداری ہے‘ چینی سفیر
واضح رہےکہ دو روز قبل چینی سفیر سن وی ڈونگ کاکہناتھا کہ سی پیک صرف پاکستان اور چین کےلیے ہی نہیں پورے خطے کی ترقی کا باعث بنےگا۔
