عدن : یمنی فوج کے کیمپ میں القاعدہ کے جنگجوؤں نے حملی کر کے 5 یمنی فوجیوں کو قتل کردیا جب کہ جوابی کارروائی میں 5 حملہ آور بھی مارے گئے.
تفصیلات کے مطابق یمن کے ساحلی علاقے عدن میں واقع یمن آرمی کے کیپم پر دہشت گردوں کی جانب سے دھاوا بول دیا گیا جس کے نتیجے میں 10 افراد کے جاں بحق ہونے کی اطلاعات موصول ہو رہی ہیں.
غیر ملکی خبر ایجنسی کے مطابق القاععدہ جنگجوؤں نے عدن کے جنوبی صوبے ابیان میں واقع میں یمنی فوج کے کیمپ پر حملہ کردیا جس کے بعد یمنی فوج اور دہشت گردوں کے خلاد دو بدو جھڑپ چھڑ گئی.
غیر ملکی ایجنسی کا کہنا ہے کہ القاعدہ جنگجوؤں کے حملے میں یمنی فوج کے پانچ اہلکار جاں بحق ہو گئے ہیں جب کہ یمنی فوج کی جوابی کارروائی کے نتیجے میں 5 القاعدہ شدت پسند بھی ہلاک ہوگئے جب کہ زخمیوں کی تعداد کا تعین نہیں ہوسکا.
القاعدہ جنگجوؤں کے حملے کے بعد سیکیورٹی اداروں نے فوجی کیمپ کا محاصرہ کرلیا اور دہشت گردوں کی گرفتاری کے لیے گھیرا تنگ کیا جا رہا ہے تاہم تاحال کسی کی گرفتاری کی اطلاع موصول نہیں ہوئی ہے.
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔