تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

اپنے خون سے ذاتی بجلی پیدا کریں

دنیا جیسے جیسے آگے بڑھ رہی ہے ویسے ویسے بجلی بنانے کے نئے نئے طریقے دریافت ہو رہے ہیں۔ حال ہی میں چینی سائنسدانوں نے انسانی خون کی روانی سے بھی بجلی تیار کرنے کا طریقہ ایجاد کرلیا۔

چین کی فیوڈن یونیورسٹی کے ماہرین نے ایک ایسا ننھا سا پاور جنریٹر ایجاد کرلیا ہے جو رگوں میں دوڑنے والے خون کی حرکت اور توانائی سے بجلی بنا سکتا ہے۔

مزید پڑھیں: انسانی آنسو بجلی کی پیداوار میں مدد گار

لیکن گھبرانے کی بات نہیں، یہ ڈیوائس آپ کے جسم کی کسی رگ میں داخل ہو کر بجلی نہیں بنائے گی، بلکہ یہ جلد کے اوپر ہی کسی فعال رگ سے منسلک کی جائے گی اور اس کے بعد یہ اس رگ میں بہنے والے خون کی حرارت اور توانائی سے بجلی پیدا کرے گی۔

ماہرہن کا کہنا ہے کہ یہ وہی آئیڈیا ہے جس کے ذریعے ہم ہوا کی توانائی (ونڈ پاور) یا پانی کی لہروں کی توانائی (ہائیڈرو پاور) سے بجلی بناتے ہیں۔

یہ بجلی اتنی ہوگی کہ نہ صرف آپ کا موبائل چارج کرسکے گی بلکہ آپ کے ذاتی طبی آلات جیسے دل کے اندر نصب کیا جانے والے پیس میکر وغیرہ کو بھی بجلی فراہم کرسکے گی۔

مزید پڑھیں: موبائل فون چارج کرنے کے لیے ذاتی بجلی تیار کریں

سب سے اچھی بات یہ ہوگی کہ یہ کسی قسم کے خاص حالات، سورج کی روشنی، ہوا یا پانی کی محتاج نہیں ہوگی۔

گویا بہت جلد ہم اپنی ذاتی ضروریات کے لیے ذاتی بجلی بنانے کے بھی قابل ہوسکیں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -