تازہ ترین

مری: مسافر چیئر لفٹ ٹوٹ کر کھائی میں جا گری، 11افراد جاں بحق

مری : نواحی علاقے چھرہ پانی کے قریب مسافر چیئر لفٹ گر گئی، جس کے نتیجے میں 11افراد جاں بحق اور 2 زخمی ہوگئے، واقعہ کا مقدمہ درج کرلیا گیا ہے۔

تفصیلات کے مطابق مری کے نواحی علاقے چھرہ پانی سے بنواڑی جانے والی ڈولی چیئر لفٹ ٹوٹ کر کھائی میں گرگئی ، حادثے میں 11 افراد جاں بحق اور2 زخمی ہوگئے۔

مقامی زرائع کے مطابق 12 افراد موقع پر ہی جاں بحق ہونے کی اطلاعات ہیں۔

ریسکیو ٹیمیں جائے وقوعہ پر پہنچ گئیں ہیں اور امدادی کارروائیاں جاری ہے اور زخمیوں کو ہولی فیملی اسپتال منتقل کیا جارہا ہے۔

ریسکیو انچارج مری کامران رشید کے مطابق لفٹ چار سو فٹ بلندی کے مقام سے کھائی میں گری، واقعے کامقدمہ درج کرلیا گیا ہے، ضلعی انتظامیہ کے مطابق لفٹ کو کئی مرتبہ پہلے بھی بند کرنے کے نوٹس جاری کیے تھے۔

ذرائع کا کہنا ہے کہ ڈولی چیئرلفٹ لوگوں نے اپنی مددآپ کےتحت بنائی ہوئی تھی اور وہ معمول کے مطابق لفٹ استعمال کررہے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -