آپ نے جانوروں سے محبت کرنے والے افراد کا اپنے پالتو جانوروں سے عجیب و غریب اور انوکھا انداز محبت دیکھا ہوگا، لیکن یہ کینیڈین خاتون سب کو پیچھے چھوڑ گئیں جو ایک ہوٹل میں قیام کے لیے اپنے پالتو گھوڑے کو بھی ساتھ لے آئیں۔
کینیڈا کے شہر اونٹاریو کی رہائشی خاتون لنڈسے اپنے پالتو گھوڑے کو ساتھ لے کر ہوٹل میں قیام کے لیے پہنچ گئیں۔
تاہم ہوٹل انتظامیہ نے خوش دلی سے ان کا اور ان کے گھوڑے کا استقبال کیا اور ان گھوڑے کے ان کے کمرے میں قیام کے لیے صرف 10 ڈالر اضافی وصول کیے۔
وہ منظر بھی خوب تھا جب خاتون نے اپنے گھوڑے کے ساتھ ہوٹل میں چیک ان کیا۔ اس کے بعد خاتون اور ان کے گھوڑے کو گراؤنڈ فلور پر واقع ایک کمرے تک پہنچا دیا گیا۔
لنڈسے کا کہنا ہے کہ دراصل انہوں نے یہ قدم اس لیے اٹھایا تاکہ دنیا جان سکے کہ گھوڑے صرف تندی و تیزی کی علامت نہیں، بلکہ یہ سکون کے ساتھ کسی ایک جگہ پر بھی رہ سکتے ہیں۔
اب لنڈسے اپنی اس کوشش میں کتنی کامیاب ہوئیں یہ تو علم نہیں، تاہم ان کی تصاویر اور ویڈیوز انٹرنیٹ پر بے حد وائرل ہوگئیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
