پشاور : کینیڈا کے وزیر اعظم جسٹن ٹروڈو کو پاکستانیوں کے دلوں میں ایک خاص مقام حاصل ہیں اور مسلمانوں کے حق میں آواز بلند کرنے کو کافی پسند کیا جارہا ہے ، مسلمانوں کیلئے زبردست اقدامات کرنے والے کینیڈین وزیر اعظم جسٹن ٹروڈو بھی پاکستانی ٹرک آرٹ کا حصہ بن گئے ہیں۔
تفصیلات کے مطابق پاکستانی ٹرکوں کی خوبصورتی تو دنیا بھر میں مشہور ہے اور اپنے ٹرک آرٹ کی وجہ سے اپنی الگ پہچان رکھتے ہیں، حالیہ دنوں میں ڈونلڈ ٹرمپ کی مسلم ممالک پر پابندی کے اعلان جہاں انکی مسلمانوں سے دشمنی کھل کر سامنے آگئی وہیں کینیڈین وزیر اعظم جسٹن کی مسلمانوں سے محبت بھی کسی سے ڈھکی چھپی بات نہیں ہے۔
ایک پاکستانی ٹرک ڈرائیور نے کینیڈا کے وزیر اعظم جسٹن ٹروڈو کی پوری دنیا سے مخالفت مول لے کر مسلمانوں کیلئے اقدامات کے بعد فیصلہ کیا کہ اب ان کے ٹرکوں پر جسٹن ٹروڈو کی تصاویر بنیں گی۔
اسی محبت کو پاکستانی نے اپنے ٹرک پر پینٹنگ کی صورت میں دکھایا ہے اور اپنے ٹرک پر کینیڈا کے وزیر اعظم کی تصویر بنو اکر اپنی محبت کا اظہار کیا۔
ٹرک ڈرائیور نے کینیڈین وزیراعظم کی تصویر بھی بنوائی اور اس کو سوشل میڈیا پر اپلوڈ کیا اور پیغام میں لکھا کہ ” ہم اس کی اس لیئے عزت کرتے ہیں کیونکہ یہ ہماری عزت کرتا ہے “۔
اس بات میں کوئی شک نہیں کینیڈین وزیراعظم جسٹس ٹروڈو کو پاکستانیوں کے دلوں میں ایک خاص مقام حاصل ہے۔
خیال رہے کہ کینیڈین وزیر اعظم جسٹن ٹروڈو پہلے مغربی سیاست دان بن گئے ہیں ، جن کی تصویر پاکستانی ٹرک پر پینٹ کی گئی ہے۔
یاد رہے کہ مونٹریال میں ہونے والے ایک پروگرام میں جسٹن ٹروڈیو نے ڈانسرز کے ساتھ قدم سے قدم ملائے اور بھنگڑے ڈالے، سفید شیروانی اور پاجامہ میں ملبوس تھے جبکہ بریانی ان کی پسندیدہ ڈش ہے.