تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

امریکا: ریاست کیلیفورنیا کے شہرسان برنارڈینو میں فائرنگ، 14افرادہلاک،17زخمی

کیلی فورنیا:‌ امریکی ریاست کیلی فورنیا میں معذوروں کےطبی مرکز میں نامعلوم افراد کی فائرنگ سے چودہ افراد ہلاک جبکہ سترہ زخمی ہوگئے، پولیس نے دو حملہ آوروں کو موت کے گھاٹ اتار دیا۔

پولیس حکام کے مطابق تین حملہ آوروں نے کیلی فورنیا کے شہربرناڈینو میں فوجی وردی میں ملبوس حملہ آوروں نے معذوروں کے طبی مرکز پر فائرنگ کی اور موقع سے فرار ہوگئے، فائرنگ کے نتیجے میں چودہ افراد جان سے گئے، پولیس اور ایف بی آئی نےموقع پر پہنچتے علاقے کو گھیرے میں لے لیا۔

پولیس نے تعاقب کرتے ہوئے ایک خاتون سمیت دو حملہ آوروں کو ہلاک کردیا جبکہ ایک مشتبہ شخص کو گرفتار کرلیا۔

پولیس حکام نے واقعے میں بیرونی عناصر کے ملوث ہونے کی تصدیق نہیں کی ہے۔


پولیس نے ایک حملہ آورکو سید فاروق کے نام سے شناخت کرلیا ہے، حملہ آورکے برادرنسبتی فرحان خان نے پریس کانفرنس سے خطاب میں واقعے پرصدمے کا اظہارکرتے ہوئے کہا کہ فاروق سے ایک ہفتے قبل ملاقات ہوئی تھی، سوچ بھی نہیں سکتے تھے کہ وہ ایسا کرسکتا ہے.

صدر اوباما کو واقعے کی بریفنگ دی گئی جس کے بعد صدر اوباما نے افسوس کا اظہار کرتے ہوئے کہا کہ گن کنٹرول سے متعلق مزید اصلاحات کی ضرورت ہے، جس کے لیے اقدامات کیے جائیں گے جبکہ اراکین پارلیمنٹ میں ایک بار پھر گن کنٹرول کی بحث چھڑ گئی ہے۔

Comments

- Advertisement -