مانچسٹر: برطانوی وزیراعظم تھریسا مے نے مانچسٹر دھماکے کو دہشت گردی قرار دیتے ہوئے اپنی انتخابی مہم معطل کر دی۔
تفصیلات کےمطابق برطانوی وزیر اعظم نےمانچسٹر سٹی سینٹر میں امریکی گلوکار کےمیوزک کنسرٹ میں ہونے والے دھماکے کے نتیجے میں ہلاکتوں پر گہرے دکھ اور رنج کا اظہار کرتے ہوئے کہا ہے کہ مانچسٹر دھماکہ ہولناک دہشتگردی ہے۔
تھریسا مےکا کہناتھاکہ پولیس واقعے کے دہشت گردی اور تحریب کاری کے طور پر دیکھ رہی ہے۔انہوں نے کہاکہ واقعے کی مکمل تفصیلات حاصل کررہی ہوں۔
برطانوی وزیر اعظم تھریسامے نے 8جون کو ہونے والے عام انتخابات کےلیے اپنی انتخابی مہم معطل کر تے ہوئے آج اہم اجلاس بھی طلب کر لیا ہے جس میں برطانوی حکام انہیں ملکی سیکیورٹی صورت حال پر بریفنگ دیں گے۔
برطانوی وزیر اعظم نےاپنے پیغام میں ہلاک افراد کے لواحقین کے ساتھ اظہار ہمدردی اور تعزیت بھی کی۔
مانچسٹر ایرینا میں دھماکہ‘19افراد ہلاک‘50 زخمی
واضح رہےکہ گزشتہ رات مانچسٹر ایرینا میں کنسرٹ کے دوران زوردار دھماکا ہوا جس کے نتیجے میں 19 افراد ہلاک اور 50 سے زائد زخمی ہوگئےتھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
